बर्दिया,माघ २६(माउण्टेनसमाचार)/ गुलरिया नगरपालिकाले सुकुम्बासीहरुलाई निस्सा वितरण गरिरहेको छ । भुमिहीन सुकुम्बासी, भुमिहीन दलित र अव्यवस्थित बसोबासीहरुलाई गुलरिया नगरपालिकाले निस्सा वितरण गरिरहेको हो ।
वि.सं.२०७७ सालमा नगरपालिकामा निवेदन दर्ता गराएका भुमिहीन तथा अव्यवस्थित बसोबासीहरुलाई नाप नक्साको निस्सा वितरण गरिरहेको छ । गुलरिया नगरपालिकाले वडाहरुबाट निस्सा वितरण गरिरहेको छ । शुक्रबार गुलरिया नगरपालिका–८ वडा कार्यालयले निस्सा वितरण गर्न सुरु गरेको छ ।
भोगचलन गर्दै आएको जग्गाको निस्सा दिए लगत्तै बाँकी काम अघि बढ्ने गुलरिया नगरपालिकाका नगर प्रमुख मुक्तिनाथ यादवले बताए । निस्सा जतन गरेर राख्नु होला । अब सम्बन्धित निकायसंग समन्वय गरि जग्गा नाँपको काम सुरु हुनेछ ।
अहिले पाएको निस्साको आधारमा तपाईहरुले भोगचलन गर्दै आएको जग्गाको लालपुर्जा उपलब्ध गराउने कामको प्रक्रिया छिट्टै अघि बढ्ने नगर प्रमुख यादवले भनाई राखेका छन् । गुलरिया नगरपालिका–८ वडा कार्यालयले ३ सय ६२ जनालाई निस्सा वितरण गर्ने जनाएको छ ।
