बर्दिया,माघ २३(माउण्टेनसमाचार)/ २६औं स्थापना दिवसको अवसरमा प्रेस चौतारी नेपाल जिल्ला शाखा बर्दियाले जेष्ठ नागरिकलाई फलफूल वितरण गरेर सह्रानिय काम गरेको छ । गुलरिया नगरपालिका–४ लक्ष्मीनारायण मन्दिरमा रहेका जेष्ठ नागरिकहरुलाई सोमबार प्रेस चौतारीले फलफूल वितरण गरेको हो । लक्ष्मीनारायण मन्दिर तथा शाखा कोठियाघाट स्थित आश्रय लिएका १२ जना जेष्ठ नागरिकलाई फलफूल वितरण गरिएको छ ।
स्थापना दिवसको अवसरमा विगतका वर्षमा रक्तदान, वृक्षारोपण र सेवाश्रममा आश्रय लिएका अशक्तहरुलाई फलफुल र खाद्यन्न वितरण गर्दै आएको प्रेस चौतारी नेपाल जिल्ला शाखा बर्दियाका अध्यक्ष यज्ञप्रसाद सापकोटाले बताए । यो सानो सहयोगले अन्य व्यक्तिलाई पनि सहयोग गर्न उत्प्रेरित गर्ने अध्यक्ष सापकोटाले भनाई राखे ।
पत्रकारको संगठनले मन्दिरमा रहेका जेष्ठ नागरिकहरुलाई फलफूल वितरण गरेर सह्रानिय कार्य रहेको लक्ष्मीनारायण मन्दिरका महन्त प्रपन्नाचार्यले बताए । फलफूल वितरण कार्यक्रममा प्रेस चौतारी नेपाल जिल्ला शाखा बर्दियाका अध्यक्ष यज्ञप्रसाद सापकोटा, नेपाल पत्रकार महासंघ जिल्ला शाखा बर्दियाका सहसचिव विष्णु अधिकारी, नेकपा एमाले जिल्ला कमिटिकी सहसचिव टिका शम्शेली, प्रचार विभाग प्रमुख धर्मराज थापालगायत संचारकर्मीहरुको उपस्थिती रहेको थियो ।
