बर्दिया(मधुवन), माघ १४ गते / बर्दियाको मधुवन नगरपालिका वडा नं-३ खातामा अवस्थित खाता सामुदायिक वन समन्वय समितिले जंगली हात्तीद्वारा घर क्षती भएका परिवारजनलाई रकम हस्तान्तरण गरेको छ ।

आज एक कार्यक्रमका बिच मधुवन नगरपालिका वडा नम्बर १ वडा अध्यक्ष मीन बहादुर थापा र वडा सदस्य राम चरण चौधरीले जंगली हात्तीबाट घर क्षतिग्रस्त भएका परिवारलाई चेक हस्तान्तरण गरिएको हो ।

तराई भु-परिधी कार्यक्रम (TAL) कोहलपुर बाँकेको आर्थिक सहयोगमा खाता सामुदायिक वन समन्वय समितिको कार्यक्षेत्र भित्र रहेको मधुवन नगरपालिका वडा नम्बर १,२,३,४ र ५ वडा गरि ४ हजार २ सय ८२ घरधुरी लघु घरविमा गरेको छ भने १५ घरधुरीले लघु घरविमा पाइसकेका छ्न।

जस्मा ७ जना दैवीप्रकोप आगलागी र ८ जना हात्ती भएको थियो। गत महिना १४ पौष राती जंगली हात्तीले माया परियार र शान्ता दमाईको भत्काएको घरको क्षति वापतको आज आइतबार चेक हस्तान्तरण गरिएको हो। लघु घरविमामा दैवीप्रकोप वा जंगली वन्यजन्तुले घर क्षती पुर्याएमा १ लाख ५० हजार रुपैयाँसम्म पाउने छन। यस बर्ष पनि खाता सामुदायिक वन समन्वय समिति मधुवन नगरपालिका वडा नम्बर ३ खाताले समेत लघु घरविमा नवीकरण गर्ने जानकारी प्राप्त भएको छ ।