बर्दिया, माघ १४ गते / लुम्विनि प्रदेशका ५ स्थान बर्दियाको राजापुरलाई नमुना शहरको रुपमा बिकास गरिने भएको छ । लुम्विनि प्रदेशका ग्रामीण, खानेपानी तथा शहरी विकास मन्त्री कृष्णा केशीले बर्दियाको राजापुरलाई नमूना शहरको रुपमा बिकास गर्ने बताउनु भएको छ ।
बिज्ञहरुको टोली सहित स्थलगत अध्ययन गर्न आउनुभएकी मंत्री केसिले यस्तो बताउनु भएको हो ।
प्रदेशका कपिलबस्तुको तिलौराकोट ,दाङको कोइलावास, पुर्विरुकुमको रुकुमकोट, बाँकेको नरैनापुर, र बर्दियाको राजापुरलाइ नमूना शहरको रुपमा बिकास गर्न लागेको मंत्री केशीले जानकारी दिनुभयो । साना शहरी पूर्वाधार कार्यक्रम यसै आर्थिक बर्षवाट शुरु हुनेगरि धार्मिक भौगोलिक ऐतिहाँशीक, पर्यटकिय, भौगोलिक बिविधता एवं अन्तराष्ट्रिय सम्वन्ध लगायतका बिशेषताका आधारमा स्थान तय गरिएको समेत मंत्री केशीले बताउनुभयो ।
मंत्री केशीले राजापुर नगरपालिका भित्र नमूना शहरहरुको स्थलगत अवलोकन गर्दै आधुनिक घर बनाउँदा हुन सक्ने सम्भावित जोखिमलाइ समेत हेरेर क्षेत्र तय गर्न सुझाउदै माघ महिनाको २५ गते भित्र राजापुर नगरपालिकाले बिस्तृत प्रतिवेशन मंत्रालयमा पेश गर्नुपर्ने बताउनुभयो ।
झण्डै ३ अर्वको लगानिमा नमूना सहर निर्माण शुरु गरिने छ । स्थल अनुगमनमा मंत्री केशी सँगै लुम्विनी प्राबिधिक बिश्व बिद्यालयका कुलपति डा कृतिकुशम जोशी सचिव रेकवहादुर भण्डारी राजापुर नगरपालिकाका प्रमुख दिपेश थारु, उप प्रमुख मनकला कुमारी चौधरी वडा नं ३ देखि १० का वडा अध्यक्षहरु बर्दिया उद्योग बाणिज्य संघका अध्यक्ष केदार थापा सहभागी थिए ।
