बर्दिया,पौष २८(माउण्टेनसमाचार) / नेपालगंजबाट काठमाडौं तर्फ जाँदै गरेको अवस्थामा भएको बस दुर्घटनाप्रति नेपाली कांग्रेस काँग्रेस संसदीय दल लुम्बिनी प्रदेशका प्रमुख सचेतक जन्मजय तिमिल्सिनाले दुःख व्यक्त गरेका छन् ।
बाँकेको नेपालगञ्जबाट काठमाडौँ जाँदै गरेको भे १ ख ३९१२ नम्बरको बस शुक्रबार राति दाङको राप्ती गाउँपालिका—१ भालुवाङ स्थित राप्ती नदीको पुलबाट तल खस्दा १२ जनाको मृत्यु भएको छ । २३ जना घाइते भएका छन् ।
प्रमुख सचेतक तिमिल्सिनाले बस दुर्घटनामा परि दिवंगत हुनु भएका सम्पुर्णमा भावपुर्ण श्रद्धाञ्जली अर्पण गर्दै शोक सन्तप्त परिवारजनमा गहिरो समवेदना प्रकट गरेका छन् । दुर्घटनामा परि घाईते भएकाहरुको शीघ्र स्वास्थ्य लाभको कामना गर्दै उपचारमा गम्भिर बन्न र उपचारमा कुनै कमि हुन नदिन सम्बन्धित निकायलाई प्रमुख सचेतक तिमिल्सिनाले आग्रह गरेका छन् ।
