बर्दिया,पौष २७(माउण्टेनसमाचार) / ३०२औं पृथ्वी जयन्ती एवंम् राष्ट्रिय एकता दिवसको अवसरमा गुलरियामा मनाईएको छ । गुलरिया नगरपालिका–८ पृथ्वी पार्कमा नागरिक मुल समारोह समितिको आयोजनामा शुक्रबार पृथ्वी जयन्ती मनाईएको हो ।
पृथ्वी जयन्तीमा आयोजित समारोहका प्रमुख अतिथि संघिय सांसद संजय कुमार गौतमले पृथ्वी नारायण शाहको शालिकमा माल्यार्पण गरि माल्यार्पण गरी सम्मान प्रकट गरेका छन् । त्यसैगरि नेपाली सेनाले पृथ्वी जयन्तीमा सलामी दिई श्रद्धासुमन अर्पण गरेको छ ।
राष्ट्रिय निर्माता पृथ्वी नारायण शाहले आफ्नो जीवनको लामो कालखण्डलाई लगाएर मुलुकलाई एकीकरण नगरेको भए सायद हामी नेपाली हुने थिएनौं संघिय सांसद संजय कुमार गौतमले बताएका छन् । पृथ्वी नारायण शाह प्रति आदर सम्मान, श्रद्धासुमन अर्पण गर्नुपर्छ भनाई राखे ।
त्यसैगरि पत्रकार महासंघका निर्वतमान अध्यक्ष राजेन्द्र प्रसाद धिताल,बार एसोएसियनका अध्यक्ष कमल पाण्डे, पत्रकार महासंघ जिल्ला शाखा बर्दियाका अध्यक्ष यादव आचार्य, गुलरिया नगरपालिकाका प्रमुख प्रशासकीय अधिकृत ओमकार शाह, सामाजिक अभियन्ता दिनेश प्रसाद श्रेष्ठलगायत वक्ताहरुले राष्ट्रिय निर्माण पृथ्वी नारायण शाहको दिव्य उपादेशलाई स्मरण गर्दै भनाई राखेका थिए ।
