बर्दिया,पौष ७(माउण्टेनसमाचार)/ बाघको आक्रमणमा परि मृत्यु भएका बालकको परिवारलाई यथाशीघ्र उचित क्षतिपुर्तिको लागि प्रदेश र संघीय सरकारबाट नेपाली काँग्रेस संसदीय दल लुम्बिनी प्रदेशका प्रमुच सचेतक तथा प्रदेश सांसद जन्मजय तिमिल्सिनाले माग गरेका छन् ।
शोक विज्ञप्ती जारी गरि बाघको आक्रमणबाट बारबर्दिया नगरपालिका–४ का १२ वर्षिय सुमित थारुको निधनले प्रति प्रमुख सचेतक तिमिल्सिनाले दुःख व्यक्त गरेका छन् । बाघको आक्रमणले शनिबार भएको बालकको निधनले मर्माहत बनाएको जारी विज्ञप्तीमा उल्लेख छ ।
बर्दिया जिल्लाको विभिन्न पालिकाहरुमा बर्षेनी अत्यधिक रुपमा जङ्गली जनावरको आक्रमणमा परि सर्वसाधारण जनताले जनधनको क्षति व्यहोर्नुपरेको छ । वर्षेनी हुने यस्ता घटनाहरुको दीर्घकालीन रुपमा निराकरण गर्नका लागि स्थानीय तह, प्रदेश सरकार, संघीय सरकार र सरोकारवाला निकायहरुले समयमा नै यस तर्फ ध्यान दिन जरुरी रहेको विज्ञप्तीमा उल्लेख छ ।
