बर्दिया,मंसिर २९(माउण्टेनसमाचार) / बर्दियाका प्रमुख जिल्ला अधिकारी नारायण प्रसाद रिसालको गृह मन्त्रालयमा सरुवा भएको छ । जिल्ला प्रशासन कार्यालय सल्यानबाट वेद प्रसाद खरेल प्रजिअको रुपमा बर्दिया आउने जनाईएको हो । गृह मन्त्रालयले शुक्रबार २५ जना अधिकारीहरूको सरूवा गरेको हो ।
पाँच जना गृह मन्त्रालयमा सहसचिवका रूपमा सरुवा तथा पदस्थान भएका छन् भने एकजना कसुरजन्य सम्पत्ति व्यवस्थापन विभागको महानिर्देशकका रूपमा सरुवा भएका छन् ।
मन्त्रालयका अनुसार बाँकी सबै प्रमुख जिल्ला अधिकारीको रूपमा सरुवा तथा पदस्थापन भएको हो । यस्तै वरिष्ठ अधिकारीहरूको सेवा अवधिको मापदण्डभित्र रही पदस्थापन गरेको मन्त्रालयले जनाएको छ ।
