बर्दिया,मंसिर २९(माउण्टेनसमाचार) / नेपाली चलचित्र जगतका चर्चित नायक पल शाह पहिलो पटक बर्दिया आउँने भएका छन् । उद्योग वाणिज्य संघ गुलरियाले आयोजना गरेको प्रादेशिक कृषि, पर्यटन तथा औद्योगिक व्यापार महोत्सवको मुख्य आकर्षकको रुपमा चर्चित नायक शाह आउँने भएका हुन् । पल शाह पछिल्लो समयका निकै रुचाईएका नायक तथा मोडल हुन् ।
उनले खेलेका फिल्म दर्शकले अत्याधिक मन पराएका छन् । फिल्मी दुनियाका चर्चिच नायक शाह गुलरिया महोत्सवमा आउने भएपछि प्रत्यक्ष रुपमा हेर्न पाउने भन्दै सर्वसाधारणले खुसी व्यक्त गरेका छन् ।
महोत्सव पौष ६ गते गते देखि १६ गतेसम्म चल्नेछ । नायक शाह पौष १५ गते प्रादेशिक कृषि, पर्यटन तथा औद्योगिक व्यापार महोत्सव गुलरियामा आउने आयोजकले जनाएको छ । गुलरिया नगरपालिका–८ निलो आयल पेट्रोल पम्प नजिक लाग्ने महोत्सवको तयारी तिव्र रुपमा भईरहेको जनाईएको छ ।
