बर्दिया,मंसिर २९(माउण्टेनसमाचार) / सार्वजनिक सवारी चालकका लागि ट्राफिक प्रहरीसंगको सहकार्यमा सचेतना अभिवृद्धि कार्यक्रम गरिएको छ । उद्योग पर्यटन तथा यातायात व्यवस्था मन्त्रालय लुम्बिनी प्रदेशको आयोजना र नेपाल प्रहरी राजमार्ग सुरक्षा व्यवस्थापन कार्यालय बुटवल तथा जिल्ला ट्राफिक प्रहरी कार्यालय बर्दियाको समन्वयमा सचेतना अभिवृद्धि कार्यक्रम गरिएको हो ।
उद्योग पर्यटन तथा यातायात व्यवस्था मन्त्रालयका प्रदेश सचिव उमेश ढुङ्गानाको अध्यक्षतामा सचेतना अभिवृद्धि कार्यक्रम भएको छ ।
यातायात व्यवस्थापनमा स्थानीय प्रशासनको भुमिका सम्बन्धमा प्रमुख जिल्ला अधिकारी नारायण प्रसाद रिसालले जानकारी गराएका छन् ।
सडक दुर्घटना न्युनिकरण गर्न ट्राफिक प्रहरीले व्यापक रुपमा प्रचारप्रसार,सवारी साधन चेकजाँच गरिहेको प्रहरी उपरीक्षक सुधिरराज शाहीले बताए । जाडो मौसम सुरु भएसंगै हुस्सु लाग्ने कारणले दुर्घटना हुने जोखिम बढेको जनाए ।
सवारी दुर्घटना न्युनिकरण तथा ट्राफिक संकेत चिन्हको बारेमा सहभागिहरुलाई जिल्ला ट्राफिक प्रहरी कार्यालयका प्रमुख प्रहरी नायव निरीक्षक ओम बहादुर खड्काले जानकारी गराएका छन् । सवारी चालकलाई सचेतना अभिवृद्धि कार्यक्रममा गुलरिया नगरपालिकाकी उप–प्रमुख सावित्रा गौतम, नेपाल यातायात व्यवसायी महासंघ केन्द्रीय सह महासचिव शम्भुप्रसाद रिजाल का साथ सार्वजनिक सवारी साधनका चालक तथा यातायात व्यवसायीहरुको उपस्थिती रहेको थियो ।
