बर्दिया,मंसिर २५ / बर्दियाको ठाकुरबाबा नगरपालिकामा हरेक वर्ष संचालन हुने नगरस्तरिय राष्ट्रपति रनिङ्ग शिल्ड प्रतियोगितामा वडा नम्बर १ भुरिगाउँमा रहेको त्रिभुवन नमुना माध्यामिक विद्यालयले लगातार चार वटा संस्करण जीत हासील गरेको छ । ठाकुरबाबामा जारी नगरस्तरीय छैठाँै राष्ट्रिपति रनिङसिल्डको उपाधि यस बर्ष पनि त्रिभुवन नमुना माध्यामिक विद्यालय भुरिगाउँले जीत हासिल गर्न सफल भएको विद्यालयका प्रधानाध्यापक बामदेव ढकालले जानकारी दिनुभयो ।
खेलकुद प्रतियोगितामा ११ स्वर्ण, ५ रजत र ६ कास्य पदकसहित राष्ट्रपति तथा नगरस्तरीय छैठौँ रनिङ शिल्डको उपाधि त्रिभुवन नमुना माध्यामिक विद्यालय भुरिगाउँले जितेको हो । प्रथम हुनेले शिल्डसहित नगद २५ हजार पुरस्कार पाएको छ । यस्तै प्रतिस्पर्धामा ठाकुरबाबा नगरपालिका वडा नम्बर २ प्रतापुरमा रहेको बर्दिया एजुकेशनल एकेडमी नेपालले १० स्वर्ण, ५ रजत र २ कास्य पदक सहित द्धितीय स्थान हात पारेको छ । भने ५ स्वर्ण, ७ रजत र १ कास्यसहित ठाकुरबाबा नगरपालिका वडा नम्बर ३ बगनाहामा रहेको चुरे माध्यामिक विद्यालयले तृतिय स्थान हात पारेको छ ।
त्रिभुवन नमुना माविले लगातार चार वर्ष रनिंङ शिल्डको उपाधि जितेको छ । खेल अवधिभर उत्कृष्ठ खेल खेल्ने खेलाडिहरुलाई पनि सम्मान तथा पुरस्कार प्रदान गरिएको छ । आधारभुत विद्यालय तर्फ छात्र/छात्रा तर्फ ५ वटा खेलका १० वटा इभेन्टमा भएको खेलमा ३ वटा स्वर्ण १ रजत पदक सहित हिमालय आधारभुत विद्यालय मिर्चैया प्रथम हुन सफल भएको छ ।
यसैगरि ३ वटा स्वर्ण ३ कास्य पदक सहित सारदा आधारभुत विद्यालय शाहिपुर द्धितीय र १ वटा स्वर्ण २ रजत र २ काश्य पदक सहित भेरी पब्लिक स्कुल बकुवा तृतिय भएको नगर शिक्षा युवा तथा खेलकुद विकास समितीकी प्रमुख सिता भण्डारीले जानकारी दिनुभयो । खेलकुद गतिविधिको अभिन्न अंग भएकाले विद्यार्थीहरुका प्रतिभा देखाउनका लागि खेलकुद प्रतियोगिता संचालन गरिएको हो । ठाकुरबाबा नगर खेलकुद विकास समितीका संयोजक टेक बहादुर बडुवालको अध्यक्षतामा सम्पन्न भएको कार्यक्रममा बर्दिया जिल्ला समन्वय समितीका प्रमुख सुर्य बहादुर विष्टको प्रमुख आथिथ्यता रहेको थियो ।
समापन कार्यक्रममा ठाकुरबाबा नगरपालिकाका सम्पुर्ण वडाका वडा अध्यक्ष तथा वडा सदस्यहरु, विभिन्न राजनीतिक दलका प्रमुख तथा प्रतिनीधि, विभिन्न विद्यालयका प्रधानाध्यापक तथा शिक्षकहरु, विद्यार्थी तथा अभिभावकहरुको उल्लेखिय उपस्थिती रहेको थियो । हरेक वर्ष संचालन भइरहने नगरस्तरीय राष्ट्रिपति रनिङशिल्ड खेलकुद प्रतियोगीता यसवर्ष मंसिर १८ गतेदेखि सुरु भएको थियो । ठाकुरबाबा नगरपालिका नगर कार्यपालिका, शिक्षा युवा तथा खेलकुद शाखाको आयोजना तथा जगदम्बा माध्यामिक विद्यालयको आतिथ्यतामा वडा नम्बर ८ को मढेलामा नगरस्तरीय छैठौँ राष्ट्रिपति रनिङशिल्ड खेलकुद प्रतियोगिता सञ्चालन गरिएको राष्ट्रपति रनिङशिल्ड खेलकुद प्रतियोगिता संचालन मुल समितिका संयोजक टेक बहादुर बडुवाल सिंजापतीले जानकारी दिनुभयो ।
नगपालिका भित्रका सामुदायिक र संस्थागत गरि १८ वटा माध्यामिक विद्यालयका विद्यार्थीहरुले मार्चपास सलामी मा सहभागिता जनाएका थिए । प्रतियोगितामा ठाकुरबाबा नगरपालिका ३ बग्नाहको चुरे माध्यामिक विद्यालयल प्रथम भएको थियो । भने वडा नम्बर ८ मढेलाको जगदम्बा माध्यामिक विद्यालय दोस्रो तथा शिव सुन्दर मावि सुन्दरपुर तितृय हुन सफल भएको थियो ।साभार टाइगरखबर
