बर्दिया,मंसिर २४(माउण्टेनसमाचार)/ केही सहकारीहरुको विचलनले गर्दा सहकारीहरु बदनमा भईरहेको लुम्बिनी प्रदेश सांसद जन्मजय तिमिल्सिनाले बताएका छन् । श्री सृजनशील महिला विकास बचत तथा ऋण सहकारी संस्था लिमिटेड मधुवनको २५औं वार्षिक साधारण सभा समुदघाटन समारोहमा प्रदेश सांसद तिमिल्सिनाले यस्तो बताएका हुन् ।
‘हामी सचेत हुन जरुरी छ’ प्रदेश सांसद तिमिल्सिनाले भने,‘मैले ऋण लिईसकेपछि तिर्न पर्छ ।’ बिना उदेश्य कुनै पनि सहकारीबाट ऋण नलिन सुनाए । व्यापारीहरु धेरै दुःख कष्टमा छन् । कति व्यवसायीहरु घर विहिन भएको अवस्था छ ।
बाहिरबाट आएर जुनसुकै पार्टीका नेताहरु मधुवनको विकास गर्दैनन् । मधुवनको विकास हामीले नै गर्ने हो । मधुवनमा नेतृत्व गर्ने साथीहरुले नै विकास गर्ने विश्वास व्यक्त गरे । त्यसैले यहाँको नेतृत्व अबको दिनमा गर्नेले हातमा हात जोडेर, नरमपनका साथ, एक अर्कामा सद्भाव कायम गरेर मधुवनमा विकास गर्न सक्ने सुनाए ।
एक अर्कालाई गाली गर्ने परिपाटी त्यागेर यहिका महिला दिदी बाहिनी तथा दाजुभाईबाट मधुवनको विकास हुने भनाई राखे ।
सहकारीका वृद्ध महिलाहरुलाई आर्थिकसहित दोसल्ला ओडाएर सम्मान पनि गरिएको जनाईएको छ ।
