बर्दिया, मंसिर १४ गते(माउण्टेनसमाचार।) / मधुवन नगरपालिका बडा नं ५ का बडा अध्यक्ष दिलीप गुरुङ दैनिक जसो बडाको १० नं गाउँमा चितुवा आउने गरेको जनगुनासो सुनि नै रहेका थिए।

अध्यक्ष गुरुङ केहि मानवीय दुर्घटना नहोस भनि सजक पनि थिए। तर गाउँ पस्दै घरमा पालेको बाख्राहरू नै चितुवाले गाउँ पसेर खोरबाटै लैजान थाले पछि भने चिन्तित भए र कतै ठुलो मानवीय क्षपि नहोस भन्ने सोचमा रहेर अध्यक्ष गुरुङले डिभिजन वन कार्यालय बर्दियामा जानकारी गराए।

जानकारी पाए लगत्तै डिभिजन वन कार्यालय बर्दियाका प्रमुख प्रवीण बिडारीले तदारुकता देखाउदै सम्भावित चितुवा हिड्न सक्ने स्थानमा

क्यामरा ट्रयाप र आहारा सहितको चितुवा नियन्त्रण गर्न बनाइएको फलामको पासो ट्रयाप राखियो । चितुवा हिड्न सक्ने सोहि स्थानमा क्यामरा ट्रयापमा चितुवा देखिए पनि पासोमा पर्न सकेको थिएन डिभिजन वन कार्यालय बर्दियाका प्रमुख प्रवीण बिडारीले भने । अन्तत पासो थापेको करिब १५ दिन पछि मंसिर १३ गते साँझ ७ बजे आहाराको लोभमा चितुवालाई ट्रयापमा पार्दै नियन्त्रणमा लिन सफल भएको डिभिजन वनका प्रमुख बिडारीले जानकारी दिए। धेरै दिनको पर्खाई पछि चितुवा नियन्त्रण लिदा सम्भावित दुर्घटना जोखिमबाट जोडिएको डिभिजन वनका प्रमुख प्रवीण बिडारीले बताए।

पासोमा परेको चितुवालाई NTNC बर्दियाको टोलि बर्दिया राष्ट्रिय निकुञ्जको जंगलमा छाडिएको समेत बिडारीले भने ।

चितुवा नियन्त्रणमा लिन सहयोग गर्ने डिभिजन वन कार्यालय बर्दियालाई हार्दिक धन्यवादको पात्र रहेको बडा अध्यक्ष दिलीप गुरुङले बताए। चितुवा नियन्त्रण संगै गाउँलेहरू राहत महसुस गरेका छन। भारतीय सिमापारि निकुञ्ज र नेपाल तर्फ खाता कोरिडोर नजिक रहेकोले जंगली जनावरहरुको यस क्षेत्रमा देखिने गरेका छन।