बर्दिया,मंसिर १२(माउण्टेनसमाचार) / जिल्लाका पुर्व क्रिकेट खेलाडी स्वर्गिय अजय श्रेष्ठको सम्झनामा क्लव स्तरीय टि–२० क्रिकेट प्रतियोता (स्व.अजय स्मृती कप–२०८० सिजन २)हुने भएको छ । बर्दिया क्रिकेट एकेडेमीको आयोजनामा प्रतियोगिता हुन लागेको हो । गुलरिया नगरपालिका–४ कर्भडहल मैदानमा यहि मंसिर २३ गते देखि पौष ३ गतेसम्म क्रिकेट प्रतियोगिता हुनेछ ।
प्रतियोगितामा टिम दर्ता गराउने अन्तिम मिति मंसिर २० गते दिउँसो १२ बजेसम्म तोकिएको छ ।
प्रतियोगितामा खेल लिग सिस्टमबाट टाईसिट अनुसार खेलाईने आयोजकले जनाएको छ । प्रतियोगितामा प्रथम हुने टिमलाई नगद रु ९० हजार ५ सय पुरस्कार, मेडल, ट्रफी र प्रमाण पत्र दिने बर्दिया क्रिकेट एकेडमीका अध्यक्ष सिद्धार्थ श्रेष्ठले जानकारी दिए ।
द्वितिय हुने टिमलाई नगद रु ४० हजार ५ सय पुरस्कारको व्यवस्था छ । त्यसैगरी म्यान अफ द म्याच एक हजार, बेस्ट ब्याट्सम्यान बलर र इमर्जिङ्ग नगद रु ३ हजारको व्यवस्था गरिएको छ । म्यान अफ द टुर्नामेन्ट नगद रु ६ हजार र मेडल, ट्रफी र प्रमाण पत्र दिने आयोजकले जनाएको छ ।
