काठमाडौँ,,मंसिर ११/ प्रधानमन्त्री पुष्पकमल दाहालले सुकुम्वासी समस्या हल गर्नका लागि एक हप्ताभित्र ऐन संशोधन गर्ने दाबी गरेका छन्।
सोमवार पार्टी केन्द्रीय कार्यालय पेरिस डाँडामा पार्टीको वेबसाइट सार्वजनिक गर्दै उनले एक हप्ताभित्र सुकुम्वासी समस्या हल गर्नेगरी पुराना ऐन संशोधन गर्ने निर्णय गरिएको बताए।
उनले सुकुम्वासी स्ववासी, अव्यवस्थित बसोवासी र उनीहरुको समस्या हल गर्न ऐन नै संशोधन गर्ने बताए। उनले वनले गर्दा विकास सबै रोकिने स्थिति बनेको उल्लेख गर्दै पुराना ऐन संशोधन गर्ने पनि बताए। उनले वन ऐन संशोधनपछि एउटा ठूलो क्रान्ति हुने विश्वास व्यक्त गरे।
प्रधानमन्त्री दाहालले सरकारको तर्फबाट अहिलेसम्म राम्रा काम भएको भन्दै अझै राम्रा कामका लागि प्रयास गर्ने बताए।साभार देश सञ्चार
