बर्दिया,मंसिर १०(माउण्टेनसमाचार) / बढैयाताल गाउँपालिकाको मैनापोखरमा प्रथम प्रादेशिक बढैयाताल कृषि, पर्यटन, औद्योगिक व्यापार तथा माघी महोत्सव २०८० को तैयारी तीव्ररुपमा अघिबढेको छ। । उद्योग बाणिज्य संघ बढैयातालको आयोजनामा व्यापार तथा माघी महोत्सव पुष २७ गते देखि माघ ७ गतेसम्म महोत्सव संचालन हुने भएको उद्योग बाणिज्य संघ बढैयातालका अध्यक्ष बालकृष्ण लामिछानेले जानकारी दिएका छन।
कृषिजन्य उत्पादन तथा जडीवुटीको व्यावसायिककरण गर्दै लगानीका अवसरको खोजी गर्नुका साथै स्थानिय कला संस्कृतिलाई महोत्सवमा प्राथमिकता दिइने र राष्ट्रिय तथा स्थानीय कलाकारको प्रस्तुती रहने समेत अध्यक्ष लामिछानेले बताए।
महोत्सवमा स्थानीय जातजातीका खानाका परिकार, स्थानीय उत्पादन, कृषिलगायतका आर्कषकको रुपमा रहनुका साथ पर्यटकिय सम्भावनालाई प्रवर्द्धन गर्दै स्थानिय उत्पादित बस्तु तथा सेवाको बजारीकरणका लागि महोत्सव आयोजना गर्न लागिएको समेत उद्योग बाणिज्य संघ बढैयाताल अध्यक्ष बालकृष्ण लामिछानेले बताए। यस्तै गरि बढैयाताल हुन महोत्सव अघि पुष ६ गते देखि पुस १६ गते सम्म गुलरिया उद्योग वाणिज्य संघ गुलरिया बर्दियाको आयोजनामा लुम्बिनी प्रादेशिक कृषि पर्यटन र औद्योगिक व्यापार महोत्सव २०८० संचालनको अन्तिम तैयारी अवस्थामा रहेको छ।
