बर्दिया,मंसिर ७ (माउण्टेनसमाचार) / बरुण हत्याका सबै आरोपीलाई प्रहरीले पक्राउ गरेको छ । फरार रहेका दुई जनालाई प्रहरीले बिहीबार पक्राउ गरेको हो । गुलरिया नगरपालिका–५ का २० वर्षिय आलोक आश्रित र वडा नंम्बर ४ का १९ वर्षिय सुमन सुनार प्रहरीले बिहीबार पक्राउ गरेको छ । यस भन्दा अगाडि प्रहरीले नौ जनालाई पक्राउ गरिसकेको छ ।
पुरानो रिसिबीले गत कात्तिक २७ गते लक्ष्मी पुजाको दिन मध्यरातमा गुलरिया नगरपालिका–६ का २० वर्षिय बरुण घिमिरेमाथि खुकुरीलगायत अन्य हात हतियार प्रयोग गरि मरणासन्न हुने गरि कुटपिट भयो ।
कुटपिटबाट गम्भिर घाईते भएका घिमिरेलाई उपचारको लागि नेपालगंज लैजाँदा लैजाँदै बाटोमा राति साढे २ बजे मृत्यु भयो । घिमिरेमाथि चक्कु, नोख, चिर्पटा र हेल्मेटलगायत हातहतियार प्रहार गरिएको प्रहरीको प्रारम्भिक अनुसन्धानबाट खुलेको छ । गुलरिया नगरपालिका–५ जुस फ्याक्ट्री नजिक घिमिरेमाथि निर्घात कुटपिट भएको थियो ।
हत्या आरोपमा संलग्न रहेका ११ जनालाई प्रहरीले नियन्त्रणमा लिई थप अनुसन्धान भईरहेको जिल्ला प्रहरी कार्यालय गुलरियाका सुचना अधिकारी प्रहरी नायव उपरीक्षक तुल्सीराम अर्यालले जानकारी दिए ।
