बर्दिया,मंसिर ४(माउण्टेनसमाचार) / गुलरिया नगरपालिका–६ का २० वर्षिय बरुण घिमिरेको हत्या आरोपमा थप एक जनालाई प्रहरीले पक्राउ गरेको छ । गुलरिया नगरपालिका–का १९ वर्षिय सुरेश भन्ने सुयस थापालाई प्रहरीले आइतबार पक्राउ गरेको हो ।
बरुणको हत्या आरोपमा प्रहरीले उनीसहित नौ जनालाई नियन्त्रणमा लिन सफल भएको छ । घटनामा संलग्न रहेका गुलरिया नगरपालिका–५ का २० वर्षिय आलोक आश्रित र वडा नंम्बर ४ का १९ वर्षिय सुमन सुनार अझै फरार रहेको प्रहरीले जनाएको छ । फरार दुवै जनाको खोजी भईरहेको प्रहरीले जनाएको छ ।
गत कात्तिक २७ गते लक्ष्मी पुजाको दिन मध्यरातमा गुलरिया नगरपालिका–६ का २० वर्षिय बरुण घिमिरेमाथि खुकुरीलगायत अन्य हात हतियार प्रयोग गरि मरणासन्न हुने गरि कुटपिट भएको थियो । कुटपिटबाट गम्भिर घाईते भएका घिमिरेलाई उपचारको लागि नेपालगंज लैजाँदा लैजाँदै बाटोमा राति साढे २ बजे मृत्यु भएको थियो । गुलरिया नगरपालिका–५ जुस फ्याक्ट्री नजिक घिमिरेमाथि निर्घात कुटपिट भएको थियो ।
