जाजरकोट(छेडागाड) कार्तिक २४ गते / भूकम्प पछि अझै पनि छेडागाड नगरपालिकाका सयौ परिवार खुला आकाश मुनि रात विताउन बाध्य रहेको छेडागाड नगरपालिकाका नगरप्रमुख रत्नबहादुर खड्काले बताएका छन।
भूकम्पले घर भत्किएपछि सक्ने जति पालिकाले आफैले खरिद गरेर वितरण गरेको र जिल्ला विपद व्यवस्थापन कोष जाजरकोटबाट पनि केहि सय त्रिपाल मात्र प्राप्त गरेको भय पनि अझै करिब १५ सय परिवार त्रिपाल र कम्बल अपुग हुदा यो चिसोमा खुला आकाशमुनि रात विताउन स्थानीयवासी बाध्य रहेको समेत नगरप्रमुख खड्काले भने ।
“म संग पनि नगरका स्थानीयले रासन पानि भन्दा रात काट्न ग्राहो भएकोले त्रिपाल र कम्बलको व्यवस्थापन गरिदिनु हुन स्थानीयले अनुरोध गरेका छन” नगरप्रमुख खड्काले बताए। छेडागाड नगरपालिकामा भूकम्पबाट २ जनाको मृत्यु भएको र ७ जना सिकिस्त विरामी रहेको र २१ सय घर क्षतिग्रस्त भएको खड्काले जानकारी दिए । भूकम्पबाट हाम्रो पालिकामा मानवीय क्षति २ जना भए पनि घरहरू भने धेरै मात्रामा क्षतिग्रस्त भई स्थानीय खुला आकाशमुनि बस्न बाध्य रहेकोले सबै सहयोगी हातहरूलाई हाम्रो पालिकामा त्रिपाल र चिसोबाट बच्न कम्बल सहयोग गर्न समेत नगरप्रमुख खड्काले अनुरोध गरे ।
