बर्दिया, कात्तिक २१ गते / जाजरकोट जिल्लाको बारेकोट गाउँपालिका वडा नम्बर १ रामीडाँडा केन्द्रविन्दु भएर शुक्रबार राती करिब मध्यरातमा गएको भूकम्पका पीडितहरुलाई ठाकुरबाबा नगरपालिकाले रक्त गरेको छ साथै आर्थिक सहयोग समेत गर्ने भएको छ ।
नेपालगन्जमै पुगि उपचाररत घाईतेहरुलाई २३ पिन्ट रक्त उपलब्ध गराई सकेको र ५ लाख भन्दा बढीको अन्य सहयोग समेत उपलब्ध गराउने भएको हो ।
घाईतेहरुलाई तत्काल रगत अभाव हुन नदिन नेपालगञ्ज पुगी हामी प्रशासकिय अधिकृत, नगरप्रमुख, उपप्रमुख, कार्यपालिका सदस्य, कर्मचारी, नगरबासी गरी २३ पिन्ट रक्तदान गरेको ठाकुरबाबा नगरपालिकाका नगरप्रमुख तिलक लम्सालले बताए ।
वडा अध्यक्ष लगायत सबै जनप्रतिनिधिहरुलाई सहयोगको लागि पालिकाबाट आब्हान समेत गरिएको लम्सालले भने ।
हामीले दैवी प्रकोप उद्धार समिति बर्दिया मार्फत समन्वय गरी भुकम्पग्रस्त क्षेत्रमा माग भए अनुसारको आवस्यक चिजहरु उपलब्ध गराउने समेत लम्सालले जानकारी दिए । पालिका भित्र सबै क्षेत्रबाट सहयोग जम्मा भए पश्चात हस्तान्तरण गरिने उहाँको भनाई छ ।
