बर्दिया,कात्तिक २०(माउण्टेनसमाचार) / भुकम्प पिडितको लागि निजामती कर्मचारीहरुको आधिकारिक ट्रेड युनियनको अगुवाईमा कृयाशिल ट्रेड युनियनको समन्वयमा राहत संकलन सुरु भएको छ ।
पिडितहरुको राहतको लागि कर्मचारीहरुले गुलरियामा सोमबार देखि संकलन सुरु गरेका हुन् । भुकम्प पिडितहरुको राहतको लागि पहिलो दिनमा रु ४२ हजार २ सय १ संकलन भएको नेपाल निजामती कर्मचारी युनियन जिल्ला कार्यसमिति बर्दियाका अध्यक्ष द्रोणराज शर्माले जानकारी दिए ।
गत शुक्रबार राति आएको विनासकारी भुकम्पले जाजरकोट र रुकुम पश्चिममा धनजनको क्षति गरेको छ । भुकम्पले तहसनहस हुँदा त्यस क्षेत्रका स्थानीयलाई खान बस्नसमेत समस्या भएको छ । यतिबेला भुकम्प पिडितहरुको घाउमा मल्हम लगाउन देशका विभिन्न ठाउँबाट तथा विदेशबाट सघाँउने काम भईरहेको छ ।
