बर्दिया,कात्तिक १४ गते(माउण्टेनसमाचार) / जिल्ला स्थित सरकारी कार्यालय मध्ये सेवाग्राहीको बढी भिडभाड हुनेमा मालपोत कार्यालय गुलरिया पर्छ । जिल्लाका आठ वटा मध्य ६ वटा स्थानीय तहबाट सेवाग्राही मालपोत कार्यालयमा आउँछन् । बढी भिडभाड हुने मालपोत कार्यालयमा बढी राजश्व पनि संकलन हुन्छ । बढी भिडभाड हुने मालपोत कार्यालयको दैनिकी व्यवस्थापन फितलो देखिदाँ चौतर्फी आलोचना भईरहेको छ ।
मंगलबार दिनभर विद्युत लाईन काटिदाँ मालपोत कार्यालले दिने सेवा अबरुद्ध भएर सेवाग्राही फर्किन बाध्य भएका छन् । मालपोत कार्यालयमा व्याकअपका लागि इन्भेटर, ब्याट्री र जेनरेटर छन् तर, समयमा मर्मतसम्भार नहुँदा कबाड जस्तै थन्किएर बसेका छन् ।
कार्यालयका प्रमुखहरु आफ्नो कार्यकाल पुरा गर्छन जान्छन् तर कार्यालय व्यवस्थापन तिर ध्यान नदिदाँ सेवाग्राही हरेक दिन मारमा परेको सर्वसाधारणको भनाई छ । मालपोत कार्यालयको व्यवस्थापन पक्षको कमजोरीले सधैं दुःख पाएको सेवाग्राहीले गुनासो गर्छन् । कार्यालयले कार्यालयको दैनिकी व्यवस्थापनमा ध्यान नदिदा एक घण्टामा हुने काम यस्तै परे विभिन्न वाहानामा ३ दिन सम्म लाग्ने गरेको सेवाग्राहीले आरोप लगाए ।
लाईन छैन भनेर कर्मचारीले त दिन काटे तर टाढा-टाढाबाट आएका सेवाग्राहीहरु दुःखी भएर फर्किन बाध्य भएका सेवाग्राहीहरु प्रति झनै कार्यालयका कर्मचारीहरुले गैरजिम्मेदार व्यवहार देखाउने गरेको एक सेवाग्राहीले जानकारी दिए।
मालपोत कार्यालका प्रमुख मदन घिमिरे बिदामा छन् । निमित्त कार्यालय प्रमुखको जिम्मेवारीमा नरेश तिवारी छन् । मंगलबार बिहान ११ बजेदेखि लाईन काटिदाँ सेवा अबरुद्ध भएको मालपोतका निमित्त प्रमुख तिवारीले बताए । ‘व्याकअप नहुँदा अधिकांश कम्प्पुटर बन्द भएका छन्’ तिवारीले भने,‘व्याकअपले धानेजति सेवा दिएका छौ ।’ विद्युत कार्यालयमा सम्पर्क गर्दा रुख काट्दा र लाईन मर्मत गर्दा लाईन काटिएको जनायो । मालपोत कार्यालयमा जेनेरेटर छ तर बिग्रेको छ तर काम गर्दैन भन्दै सेवा ग्राहिले पाएको दैनिकी दुःख प्रति गैर जिम्मेवार पाराको जवाफ दिए। जसले गर्दा सेवा अबरुद्ध भएको निमित्त प्रमुख तिवारीले जानकारी दिए ।
