सालको काठ लोड गरेको बोलेरो गाडि र मोटरसाइकलसहित एक जना पक्राउ
बर्दिया,कात्तिक १२(माउण्टेनसमाचार) / बबई सव डिभिजन वन कार्यालय बर्दियाले सालको गोलिया काठ लोड गरि राखिएको बोलेरो गाडि र मोटरसाइकलसहित एक जनालाई नियन्त्रणमा लिएको छ । स्रोतका अनुसार बाँसगढी नगरपालिका–४ स्थित रहेको कन्चन समिलमा सालको गोलिया लैजाँदै गरेको अवस्थामा बेलोरोसहित एक जनालाई बबई सव–डिभिजनको टोलिले नियन्त्रणमा लिएको हो ।
भे१च १२१६ नंम्बरको बोलेरोगाडि र भे६प २६३९ नंम्बरको मोटरसाइकलसहित एक जनालाई सव डिभिजनले नियन्त्रणमा लिएको छ ।
बारबर्दिया–४ स्थित रहेको भैरव सामुदायिक वनबाट सालको काठ फडानी गरि ल्याई कन्चन समिलमा लैजाँदै गरेको गोप्य सूचनाको आधारमा खोजतलास गर्दा बोलेरो गाडि र मोटरसाइकलसहित एक जना पक्राउ परेको र गाडिमा रहेका केहि व्यक्ति फरार भएको समेत स्रोतले बताएको छ ।
यो घटनालाई गुपचुपमै मिलापत्र गर्न र फर्निचर उद्योग साथै सालको काठ काटेर ल्याउने केहि व्यक्तिलाई बचाउन बबई सव–डिभिजन कार्यालय देखि डिभिजन वन कार्यालय बर्दिया सम्म नेताहरुको दौडधुप सुरु भईसकेको समेत स्रोतको दावी छ ।
करिब ६२ क्युफिट सालको १० वटा गोलिया काठ बेलोरोमा लोड गरि राखिएको अवस्थामा बरामद भएको हो । बढैयाताल गाउँपालिका र बाँसगढी नगरपालिकाको सिमानामा काठ झारिरहेको अवस्थामा शुक्रबार काठसहित बेलोरो गाडी बरामद भएको बबई सव डिभिजन वन कार्यालयका अधिकृत ज्ञान बहादुर चौधरीले बताए । सव डिभिजन र डिभिजन वन कार्यालयको संयुक्त गास्ती टोलीले काठ सहित बेलोरो गाडि बरामद गरेको छ ।
‘बोलेरो गाडि र मोटरसाइकल डिभिजन वन कार्यालय गुलरिया शुक्रबार पठाईसकेको र काठ बबई सव–डिभिजन वन कार्यालय मगरागाडीमा राखिएको,’ अधिकृत चौधरीले भने,‘अनुसन्धानको क्रममा रहेका पक्राउ परेका व्यक्तीको नाम भिमलाल चौधरी हो ।’ काठ कहाँबाट ल्याईएको अनुसन्धानपछि खुल्ले र आज आइतबार कारवाही प्रक्रिया अघि बढाईने चौधरीले जानकारी दिए ।
