राष्ट्रिय प्राकृतिक स्रोत तथा वित्त आयोगले आर्थिक बर्ष २०८१/०८२ को सार्वजनिक कार्यसम्पादन मूल्याङ्कन सम्बन्धी प्रतिवेदन अनुसार बर्दिया जिल्लामा राजापुर नगरपालिका पहिलो स्थानमा परेको छ। बुधवार सार्वजनिक गरेको सुचनामा आयोगको मूल्याङ्कन अनुसार राजापुर नगरपालिकाले ७४.२३ अंक प्राप्त गर्दै जिल्लामै उत्कृष्ट कार्यसम्पादन गर्ने स्थानीय तहको रूपमा स्थान बनाएको हो। त्यसैगरी गुलरिया नगरपालिका ७२.७९ अंक सहित दोस्रो स्थानमा परेको छ भने बासगढी नगरपालिका ७१.१४ अंक सहित तेस्रो स्थानमा रहेको छ। अन्य स्थानीय तहहरूमध्ये ठाकुरबाबा नगरपालिका ले ६२.९५ अंक, मधुवन नगरपालिका ले ६१.६५ अंक, बढैयाताल गाउँपालिकाले ६१.५० अंक, बारबर्दिया नगरपालिका ले ५०.८९ अंक तथा गेरुवा गाउँपालिका ले ४३.३९ अंक प्राप्त गरेका छन्।आयोगले स्थानीय तहहरूको सेवा प्रवाह, वित्तीय व्यवस्थापन, पारदर्शिता, योजना कार्यान्वयन लगायतका सूचकका आधारमा कार्यसम्पादन मूल्याङ्कन गर्ने गर्दछ। सार्वजनिक गरिएको प्रतिवेदनले स्थानीय तहबीचको प्रतिस्पर्धा बढाउनुका साथै सेवा प्रवाहलाई अझ प्रभावकारी बनाउन सहयोग पुग्ने अपेक्षा गरिएको छ।