वनमा खेर गइरहेका सालका पातलाई सङ्कलन गरेर दुना टपरी बनाई आर्थिक उपार्जन गर्न सकिने उद्देश्यले बनाइएको दुनाटपरीको बजारीकरणको सुरुवात गरिएको छ ।
ठाकुरबाबा नगरपालिकाको बाड नं ८ मा रहेको भुडकैया महिला समूहले मेसिनबाट सालको पातको दुना टपरी उत्पादनको सुरुवात गरेका छन ।
अति विपन्न महिलाहरु मिलेर बनाएको हाम्रो महिला समुह छनोट गरी दुना टपरी बनाउने तालिम दलित महिला उत्थान संघ बर्दियाले दिएको र दुनाटपरी उत्पादन र बजारीकरणका लागि नगद एक लाख ६० हजार बराबरको विउ पुजी समेत समुहले सहयोग पाएको भुडकैया महिला समूहकी अध्यक्ष मञ्जु चौधरीले बताइन ।
घरका खालि भएको समयमा थोरै भएपनि आएआर्जन होस भन्ने उद्देश्यले समुह मार्फत आयआर्जनका लागि दुनाटपरी बनाउने तालिम लिएका महिला समुहलाई दुना टपरी बनाउने मेसिन सहयोग गरिएको ठाकुरबाबा नगरपालिका उपप्रमुख बिना भट्टाईले भनिन् ।
सालका पातबाट बनेका दुनाटपरी उत्पादन भए संगै बजारमा भारतबाट आयतीत प्लाष्टिकका सामग्रीलाई यसले विस्थापित गर्ने समेत उपप्रमुख भट्टाईले बताइन ।
महिला दिदिबहिनिहरुले उत्पादन गरेका दुनाटपरीको बजारीकरणमा समेत पालिकाले सहयोग गर्ने समेत भट्टाईले भनिन् । नेपालीको जन्मदेखि मृत्यु संस्कारसम्म सालको पातको दुना टपरी चाहिने हुँदा यसको बजारीकरणमा समस्या नहुने भट्टाईले भनिन् ।
