विश्व स्तनपान सप्ताहको अवसर पारेर बारबर्दिया नगरपालिका स्वास्थ्य शाखाले स्तनपानको महत्व बारे सचेतना फैलाउने कार्यक्रम गरेको छ । स्तनपानको महत्व बारे जानकारी दिदै बारबर्दिया नगरपालिका भित्रमा करिब १५ सय भन्दा बढि आमाहरुलाई स्तनपान गराए पछिका फाइदाहरुका बारेका सचेतना गराउदै विश्व स्तनपान सप्ताह कार्यक्रम संचालन गरेको छ ।
विश्व स्तनपान सप्ताहको अवसर पारेर साउन १६ गते देखि साउन २२ गते सम्म बारबर्दिया नगरपालिकाका ११ वटै बडाहरुको ३६ वटै खोपकेन्द्रहरुमा स्तनपानको महत्वको बारेमा सचेतना संचालन गरिएको बारबर्दिया नगरपालिका स्वास्थ्य शाखा प्रमुख गोविन्द पौडेलले जानकारी दिए । पालिकाका ३६ वटै खोप केन्दहरुमा बच्चाहरुलाई स्तनपान गराउदै आएका बारबर्दिया नगरपालिकाका करिव १५ सय बढि आमाहरुलाई स्तनपान गराउदा हुने फाइदाहरु जस्तै बच्चाहरुमा निमोनिया र अन्य रोगहरु सगं लड्ने क्षमता बढि हुने हुदा आमाहरुले बच्चाहरुलाई दिनको कम्तिमा १२ पटक स्तनपान अनिवार्य गराउनु पर्ने बारेमा सप्ताहको अवसर पारेर जानकारी गराउने गरिएको समेत स्वास्थ्य शाखा प्रमुख पौडेलले भने । विभिन्न समयमा गरि बच्चाहरुलाई करिव १३ प्रकारका खोपहरु लगाइने गरिएको छ ।
बच्चाहरु स्तनपानबाट निरोगि रहने साथै आमाहरुमा पनि नियमित बच्चालाई स्तनपान गराउनाले आमाहरु समेत स्वास्थ्य रहने हुदा निरन्तर बच्चालाई स्तनपान गराउनु पर्ने शाखा प्रमुख पौडेलले बताए ।
स्तनपान सप्ताहमा पछिल्लो क्रममा देखिएको आमाहरुले आफ्नो दुख खु्वाउनुको संटा प्याकेजिङ गरिएको दुध पाउडर खुवाउने प्रचनल बढ्दा बच्चाहरुमा हुने विभिन्न किसिमका समस्याहरुका बारेमा समेत जानकरी गराइएको समेत शाखा प्रमुख पौडेलले भने । बच्चा हरुलाई स्तनपान गराउदा आमा हरुलाई कुनै पनि बेफाइदा नहुने बरु आमाहरुमा झनै स्वास्थ्यमा राम्रो प्रभाव पार्ने समेत उनले बताए । आमाहरुले स्तनपान गराउदाको सहि आसन तरिकाको साथ महिला हरुलाई स्तनपानको महत्व बारेमा स्वास्थ्यकर्मिले विभिन्न सूचना–शिक्षा–सञ्चार सामग्रीहरू तथा फिलिप चार्ट प्रयोग गरी परामर्श समेत गर्ने गरिएको पौडेलले जानकारी दिए ।
