बबई सिँचाइ आयोजनाको पूर्वक्षेत्रमा पानीको बाँडफाँड सम्बन्धी निर्णयलाई लिएर स्थानीय किसानहरू आन्दोलित भएका छन् । ग्याङ्ग नदीको पारि बाँसगढी क्षेत्रमा सिँचाइ पु¥याउने भन्दै श्रावण ९ गतेदेखि चार दिनका लागि एकतर्फी पानी प्रवाह गर्ने निर्णयपछि बारबर्दियाका किसान हरू नहरको ढोका खोलेर विरोधमा उत्रिएका हुन् ।
बारबर्दिया नगरपालिका वडा नं. ५, ६, ७ का किसानहरूले यस्तो निर्णयले आफूहरूको खेत सुक्खा बनेको भन्दै असन्तुष्टि जनाएका छन् । “खेत चिरा परेको छ, जरा सुकिसके,” किसान प्रभु थारुले बताए ।
वडा अध्यक्षहरू इन्द्रप्रसाद थारु र लालबहादुर चौधरीले निर्णय किसानविरोधी रहेको जनाउँदै समग्र क्षेत्रमा समान पानी बाँडफाँडको माग गरेका छन् ।
तर, जल उपभोक्ता संस्था (पूर्वक्षेत्र) एस १ का अध्यक्ष रामगुलाम चौधरीले बाँसगढी क्षेत्रमा सुक्खा परेकाले बहुमतको आधारमा अस्थायी निर्णय गरिएको स्पष्ट पारे ।
बिषयमा सन्तुलन ल्याउन साउन १७ गते अन्तरक्रिया कार्यक्रम तय गरिएको बार– बर्दिया वडा नं. ७ का वडा अध्यक्ष इन्द्रप्रसाद थारुले जानकारी दिए ।
