आर्थिक वर्ष २०८१/०८२ मा बर्दिया जिल्ला अदालतमा सम्बन्ध विच्छेद र लागुऔषध सम्बन्धी मुद्दाको संख्या उच्च देखिएको छ । अदालतले मंगलबार पत्रकार भेटघाट कार्यक्रममार्फत सार्वजनिक गरेको तथ्यांक अनुसार वर्षभरिमा १४ सय ५० नयाँ मुद्दा दर्ता भएका छन् ।
दर्ता मुद्दामध्ये सम्बन्ध विच्छेदका ४ सय १३ मुद्दा दर्ता भएकामा ३ सय ५६ मुद्दाको टुंगो लागिसकेको र ५७ मुद्दा बाँकी रहेको बर्दिया जिल्ला अदालतका २ नम्बर फाँटका ध्यायधीस मनोज श्रेष्ठले जानकारी दिए ।
साथै लागुऔषधसम्बन्धी १ सय ४८ मुद्दा मध्ये १ सय ३५ मुद्दा फछ्र्यौट भइसकेका छन् भने १३ मुद्दा बाँकि रहेका श्रेष्ठले बताए । जवरजस्ती करणीका ४९ मुद्दामध्ये ३२ टुंगो लागेको र १७ मुद्दा बाँकी रहेको श्रेष्ठले जानकारी दिए ।
अदालतका अनुसार १८ महिना नाघेका र २ वर्षभन्दा पुराना कुनै मुद्दा बाँकी नरहेको उनले भने ।
अदालतले नेपाल सरकारबाट गुलरिया नगरपालिका वडा नं. ५ मा १३ कठ्ठा २ धुर जग्गा प्राप्त गरेको समेत न्यायधीस श्रेष्ठले बताए । “पुरानो अदालत भवन जीर्ण तथा अपर्याप्त भएकाले नयाँ भवन निर्माण प्रक्रिया अघि बढाउन आवश्यक नक्सा डिजाइन तयार गरी सर्वोच्च अदालतमा निर्णयका लागि पठाइएको छ ।” ध्यायधीश श्रेष्ठले बताए ।
अदालतले न्यायिक सेवा प्रवाह लाई सर्वसाधारणसम्म पु¥याउन गेरुवा गाउँपालिका र बाँसगढी नगरपालिकामा न्यायिक संवाद कार्यक्रम गरेको छ । साथै, “न्यायाधीशसँग सेवाग्राहीको भेटघाट” कार्यक्रम विभिन्न समयमा गरि १२ पटक सम्पन्न गरिएको १ नं. फाँटका ध्यायधीश डल्लुरामचौधरीले जानकारी दिए ।
