बारबर्दिया नगरपालिकाको आर्थिक वर्ष २०८१/०८२ को तेस्रो चौमासिक सार्वजनिक सुनुवाइ कार्यक्रम सम्पन्न भएको छ ।
बारबर्दिया नगरपालिका परिसरमा असार २७ गते सम्पन्न सार्वजनिक सुनुवाई कार्यक्रममा सेवाग्राहीले चालु आर्थिक वर्षमा भएको कामको समीक्षा र आगामी आर्थिक वर्षका लागि रचनात्मक सुझाव जिज्ञासा राखेका थिए ।कार्यक्रमको जवाफदेही वक्ता नगरपालिकाका नगरप्रमुख छवि लाल थारुले सेवाग्राहीबाट आएका सुझावलाई मार्गदर्शनका रुपमा ग्रहण गर्दै जाने बताए ।
बारबर्दिया नगरपालिकाका नगरप्रमुख, नगरउपप्रमुख, वडा अध्यक्ष एवम् वडा सदस्यहरु, बारबर्दिया नगरपालिकाका प्रमुख प्रशासकीय अधिकृत एवम् शाखा प्रमुख तथा कर्मचारीहरु, स्थानीय नागरिक, सरोकारवाला निकायका प्रतिनिधि तथा सञ्चारकर्मीको सहभागिता रहेको कार्यक्रममा सेवाप्रवाह, योजना कार्यान्वयन, चुनौती तथा समाधानका उपायबारे खुलेर छलफल गरिएको थियो ।
