मलेसियामा सम्पन्न एसीसी मेन्स यू–१६ इस्ट जोन कप क्रिकेट प्रतियोगिताको उपाधि नेपालले जितेको छ । फाइनलमा सिंगापुरमाथि २ विकेटको सनसनीपूर्ण जित हासिल गर्दै नेपालले उपाधि जितेको हो ।
मलेसियाको बांगीमा भएको खेल मा एक रनको अन्तरमा छैटौँ, सातौँ र आठौँ विकेट गुमाएर हारको नजिक पुगेको नेपालका लागि जोय थापा र अभय यादवको उत्कृष्ट एवं संयमित साझेदारीले नेपाल विजयी भयो ।
११४ रनको सामान्य चुनौँती पछ्याएको नेपालले ५८ रन जोड्दा ५ तथा ९२ रन जोड्दा ८ विकेट गुमाइसकेको थियो । जोय र अभयले टिमलाई जिताए ।
नेपालले २९ ओभरमा ८ विकेटको क्षतिमा जित हासिल गर्यो । जोयले ५३ बलमा अविजित रहँदै २४ तथा अभयले १२ बलमा अविजित १० रन बनाए ।
यसअघि टस जितेर पहिले ब्याटिङ गरेको सिंगापुरले ११३ रनमात्र बना– उन सक्यो । सिंगापरले ४०.५ ओभर खेलेर अलआउट भयो ।
नेपालका लागि अभय यादव र सुशीलबहादुर रावलले समान ३, शुभम खनालले २ तथा विपिन प्रसाद शर्माले १ विकेट लिए ।
