र्सा प्रहरीले स्रोत नखुलेको रु २८ लाख २८ हजार हुण्डीको रकमसहित तीन जनालाई पक्राउ गरेको छ।
पर्सा प्रहरीका प्रवक्ता किशोर लम्सालका अनुसार, हुण्डी कारोबारमा संलग्न रहेको आशङ्कामा पकाहामैनपुर गाउँपालिका–२ का अनिल वर्णवालाई रु ९ लाख ४७ हजारसहित र वीरगञ्ज महानगर आदर्शनगरबाट वडा नं ३ का विनितकुमार श्रीवास्तवलाई रु १५ लाख ८१ हजारसहित पक्राउ गरिएको छ।
त्यसैगरी, बाराको परवानीपुर गाउँपालिका–४ का स्थायी बासिन्दा दीपककुमार सोनारलाई रु ३ लाखसहित पक्राउ गरिएको हो। अभियुक्तहरूलाई मुलुकी अपराध संहिता, २०७४ को दफा १२५ को (क) बमोजिम (हुण्डीसम्बन्धी कारोबार गर्न नहुने) कसुरमा जिल्ला अदालतबाट पाँच दिनको म्याद लिई अनुसन्धान भइरहेको छ।
