ठाकुरबाबा नगरपालिकाले मानव वन्यजन्तु द्धन्द न्यूनिकरण र विपद् व्यवस्थापन गर्न बर्दिया प्रहरीलाई ३ थान मोटरसाईकल हस्तान्तरण गरेको छ ।प्रहरीलाई अति आवश्यक देखिएकोले मोटरसाईकल प्रहरी लाई दिएको ठाकुरबाबा नगरपालिकाका नगरप्रमुख तिलकराम लम्सालले बताए । लम्सालका अनुसार “प्रहरीले गस्ति, मानव वन्यजन्तु द्धन्द न्यूनिकरण, विपद् लगायतमा छिटो छरितो ढंगले अप्रेशन गर्न सहजहोस् भन्ने उद्देश्य ले केहि थान मोटरसाईकल प्रहरी लाई हस्तान्तरण गरिएको हो”
ठाकुरबाबा नगरपालिकाले हस्तान्तरण गरेको मोटरसाईकलको प्रयोगले अपराध न्यूनिकरणमा ठुलो काम गर्ने जिल्ला प्रहरी कार्यालय बर्दियाका प्रमुख एवम् प्रहरी उपरीक्षक केदार खनालले बताए । खनालका अनुसार “हाल भएको मोटरसाईकल पुराना भएकोले घटनास्थलमा पुग्न कठिनाई भएको थियो । ठाकुरबाबा नगरपालिकाकाले दिएको तिन थान मोटरसाईकल प्राप्त भएपछि अपराध न्यूनिकरणमा धेरै ठुलो काम गर्ने मदत पुग्ने छ ।”
प्राप्ती भएको मोटरसाईकलका भरपुर उपयोग गर्न ईलाका प्रहरी कार्यालय भुँरिगाउलाई निर्देशन समेत खनालले दिएका थिए ।
