बर्दिया उद्योग वाणिज्य संघ राजापुरको नयाँ कार्यसमितिमा सर्वसम्मत रूपमा कृष्ण कुमार रेग्मी अध्यक्षतामा निर्वाचित भएका छन् ।त्यसैगरी कार्य समितिको वरिष्ठ उपाध्यक्षमा सुश्मा भण्डारी, प्रथम उपाध्यक्षमा बद्री खनाल, द्वितीय उपाध्यक्षमा राम प्रसाद श्रेष्ठ चयन भएका हुन्् ।
महासचिवमा पुनित कुमार गुप्ता, सचिवमा हरिकृष्ण चौलागाईं र को–षाध्यक्षमा उमाकुमारी वाग्ले छन् । निर्विरोध निर्वाचित सदस्यहरूमा यज्ञ बहादुर थापा, तिलक पौडेल, मोहन चौलागाईं (अर्जुन) अमर थापा, प्रभात भूप शाह, हिमाल पौडेल, आकाश सोनी, अभिषेक मित्तल, जानकी चौधरी, शक्तुराम चौधरी र कमला न्यौपाने रहेको छन् ।
उम्मेदवारी दिने अन्तिम दिन तोकिएको पदमा तोकिएकै उम्मेदवारी बाहेक अरु कसैको उम्मेदवारी नपरेपछि कार्य समिती निर्वाचन समितिले निर्बिरोध चयन गरेको निर्वाचन अधिकृत रबिराम शर्माले जानकारी दिए ।
नयाँ नेतृत्वको कार्यावधी २०८५ सम्म रहने छ ।
