बर्दिया(गुलरिया), फागुन २६ गते / गुलरिया नगरपालिकाका प्रमुख प्रशासकीय अधिकृत ओमकार शाहलाई गुलरिया नगरपालिकाको ४४ औँ कार्यपालिका बैठकबाट सम्मान गरेको छ। केहि दिन अघि मात्र प्राकृतिक स्रोत तथा वित्त आयोगबाट प्रत्येक वर्ष गरिने मूल्याङ्कनमा बर्दिया जिल्लाका आठ स्थानीय तह मध्ये गुलरिया नगरपालिकाले प्रथम स्थान हासिल गरेको गरेको थियो । फागुन २६ गते एक कार्यक्रमका बिच शाहलाई सम्मान गरको हो ।
प्राकृतिक स्रोत तथा वित्त आयोगबाट प्रत्येक वर्ष गरिने मूल्याङ्कनको १७ वटा सूचकका आधारमा आर्थिक वर्ष ०८०।०८१ को मूल्याङ्कन हुँदा बर्दिया जिल्लाका आठ स्थानीय तहमध्ये गुलरिया नगरपालिकाले प्रथम स्थान हासिल गरेकोमा गुलरिया नगरपालिकाको कार्यपालिका बैठकबाट प्रमुख प्रशासकीय अधिकृत शाहलाई सम्मान गरिएको गुलरिया नगरपालिकाको कार्यालयले जानकारी दिएको दिएको छ ।
कार्यालयका सम्पुर्ण कर्मचारीहरूको अथक मेहनतले गुलरिया नगरपालिकाको कार्यालय बर्दिया जिल्लामै मूल्याङ्कनमा पहिलो भएको गुलरिया नगरपालकिाका सम्मानित भएका प्रमुख प्रशासकिय अधिकृत शाहले बताए ।
