बर्दिया, फागुन २४ गते / चैत २३ गते देखि ३० गते सम्म ठाकुरबाबा नगरपालिकामा राष्ट्रिय स्तरको प्रथम खोखो लिग संचालन हुने भएको छ ।
फागुन २४ गते शनिवार बर्दियाको सदरमुकाम गुलरियामा पत्रकार सम्मेलन मार्फत सो कुराको जानकारी गराइएका हो । पत्रकार सम्मेलनमा आफ्नो भनाई राख्दै नेपाल खो खो संघ का केन्द्रीय बरिष्ठ उपाध्यक्ष छत्र बहादुर शाहीले
राष्ट्रिय स्तरको प्रथम खोखो लिग संचालनका लागि नेपाल भरीका हाल सम्म ३० जना खोखो खेलाडीहरुबाट दरखास्त भैसकेको बताएका छन । ठाकुरबाबा नगरपालिका वडा नम्बर २ रानीपुर मा रहेको कर्भड हलमा हुन गइरहेको खेलमा १ जना प्रशिक्षक रहने गरी हाललाई पुरुष तर्फ मात्र खेल खेलिने र महिला तर्फ प्रदर्शनी खेल मात्र गरिने शाहीले बताए ।
ठाकुरबाबा नगरपालिका भित्रका १६ जना राष्ट्रिय तथा अन्तराष्ट्रिय खोखो खेलाडिहरुको समेतको सहभागिता रहने लिगमा ठाकुरबाबा नगरपालिकाको मुख्य भुमिका रहेको आयोजकले जनाएको छ ।
६ जनाको टिमले खेलिने खेलमा सांगितिक कार्यक्रम सहित लिग संचालन समेत गरिने पत्रकार सम्मेलनमा जनाइएको छ।
