बर्दिया, फागुन २० गते / बर्दियाको गुलरिया नगरपालिका बाड नं १२ को बिक्री भन्ने स्थानको भवानी सामुदायिक वनको जंगलमा मृत अवस्थामा पाटेबाघ फेला परेको छ ।
सामुदायिक वनका स्थानीयहरु वनको गस्ती गर्ने क्रममा भवानी सामुदायिक वनको जंगलको बिचमा मृत सडेको अवस्थामा पाटेबाघ भेटिएको डिभिजन वन कार्यालय बर्दियाका सुचना अधिकारी बरिष्ठवन अधिकृत रामकुमार चौधरीले बताए । मृत रहेको पाटेबाघको के कति कारणले मृत्यु भएको हो थप अनुसन्धानका लागि राष्ट्रिय प्रकृति संरक्षण कोष(एन.टि.एन.सी.) को टोलि घटनास्थल तर्फ जादै गरेकोले अनुसन्धान पछि मात्र बाघ के कति कारणले मरेको भनेर जानकारी प्राप्त हुने समेत बरिष्ठ वन अधिकृत चौधरीले जानकारी दिए ।
तस्विर/ डिभिजन वन कार्यालय बर्दिया
