बर्दिया(मधुवन), फागुन २० गते / उज्यालो नेपाल र जेडएसएल नेपालको सहयोगमा मध्यवर्तिको एक कृषक समुहलाई फागुन १८ गते एक कार्यक्रममा बिच बेसारको वीउ र बेसार ग्रेडिङ मेसिन सहयोग गरेका छन ।
बर्दिया राष्ट्रिय निकुञ्ज संगै जोडिएको मधुवन नगरपालिका बाड नं १ कैलासी साहारा कृषक सहकारी समुहलाई बेसारको वीउ र बेसार ग्रेडिङ मेसिन सहयोग गरेको उज्यालो नेपालका प्रमुख नवराज न्यौपानेले जानकारी दिए ।
अधिकाशं निकुञ्ज संगै जोडिएको बडा रहेको र जंगल छेउ लगाएका बालिनालि समेत जंगली जनावरले बालिनाली लगाएको स्थानमा आएर बालिनालि क्षति गर्ने गरेको हुला जंगली जनावरले क्षति नगर्ने बालि उत्पादनका लागि बेसार खेति रहेकोले निकुञ्जको जंगल नजिक बस्ने स्थानीलाई सहयोग गरिएको न्यौपालने बताए ।
सहयोगका लागि हामीले स्थानीय साहारा कृषक समुह मार्फत करिब ३ लाख १५ हजार बराबरको ७० कुन्टल बेसारको वीउ सहयोग गरेको न्यौपानेले भने । साथै उत्पान भएको बेसार को ग्रेडिङका लागि करिब ३ लाख ३९ हजार बराबरको बेसार ग्रेडिङ मेसिन समेत वितरण गरिएको समेत उनले भने । जंगली जनावरबाट हुने बालिनालिको क्षति हुन नदिन विकल्पको रुपमा बेसार खेति एकदमै राम्रो भएको साहारा कृषक समुहका अध्यक्षले बताए ।जंगली जनावरले क्षति पनि नगर्ने र आयआर्जन पनि राम्रो हुने भएकोले अन्य बालिनालि भन्दा बेसार खेति गरेको समेत अध्यक्षले जानकारी दिए ।
यसै गरि उज्यालो नेपाल र जेडएसएल नेपाल को परियोजना अन्तर्गत बर्दियाको गेरुवा गाँउपालिकामा करिव १० कुन्टल बेसारको वीउ वितरण गर्ने र ठाकुरबाबा नगरपालिकामा ५ कुन्टल बेसारको वीउ वितरण गर्ने कार्यक्रम रहेको समेत उज्यालो नेपालका अध्यक्ष न्यौपानेले जानकारी दिए ।
