जयनगर, पुस १० गते / विभिन्न पार्टी परित्याग गरी २४ जनाले नेपाली कांग्रेसमा प्रवेश गरेका छन्। पुष ९ गते बारबर्दिया नगरपालिकाको जयनगर बजारमा नेपाली कांग्रेस बारबर्दिया नगर कार्यसमिति द्वारा आयोजित नेपाली काङ्ग्रेसको १०० दिने विशेष अभियानका क्रममा भएको कार्यक्रममा विभिन्न पार्टी परित्याग गरेका करिब २४ जनाले नेपाली कांग्रेसमा प्रवेश गरेका हुन । नेपाली काङ्ग्रेसको १०० दिने विशेष अभियानका केन्द्रीय प्रतिनिधि एवं नेपाली कांग्रेस केन्द्रीय सदस्य सुशिला मिश्र भट्टले बारबर्दियाको जयनगर बजारमा भएको कार्यक्रममा नेपाली कांग्रेसमा नवप्रवेशीलाई टिका र माला लगाएर स्वागत गर्नुभएको थियो। नवप्रवेशीलाई स्वागत गर्दै केन्द्रीय सदस्य सुशिला मिश्र भट्टले भनिन् नेपाली कांग्रेसले देश र जनताप्रति उत्तरदायि भएर काम गरिरहेकोले काङ्ग्रेस प्रति जनताको विश्वास बढ्दै गएकोले अभियानका कार्यक्रममा स्थानीयको उपस्थिति समेत राम्रो हुने गरेको उनले बताइन् । नेपाली काङ्ग्रेसको १०० दिने विशेष अभियानका क्रममा बर्दिया जिल्लाका विभिन्न ८ वटै पालिकाहरुमा कार्यक्रमहरु भइरहेको समेत केन्द्रीय सदस्य सुशीला मिश्र भट्टले जानकारी दिनु भयो ।
