राजापुर, मंसिर २१ गते / महिला स्वास्थ्य स्वयं सेविका दिवसको अबसर पारेर राजापुर नगरपालिकाका दुई वटा वडाले साइकल बितरण गरेका छन् । राजापुर नगरपालिका वडा नम्वर २ र ६ ले महिला स्थास्थ्य स्वयं सेबिकालाई साइकल बितरण गरिएको हो । वडा नम्वर २ ले वडा भित्रका १४ जना महिला स्वास्थ स्वयं सेविकाहरुलाइ सेवा प्रबाहमा सहज होस भन्ने उदेश्यले जनही ८ हजार रुपैयाँको साइकल बितरण गरिएको वडा अध्यक्ष राम चन्द्र चौधरीले जानकारी दिनुभयो ।
वडा नम्वर ६ ले ५० हजार रुपैयाको लागतमा ६ बटा साइकल बितरण गरेको वडाध्यक्ष असराज न्यौपानेले बताउनु भयो ।
वडाले सहयोग स्वरुप साइकल दिएकोमा उत्साहित हुँदै राजापुर २ बर्गदहिकि महिला स्वास्थ्य स्वयं सेबिका गिता चन्द ठकुरिले पहिला हिडेर जानुपर्ने बाध्यता हटेको बताउनु भयो ।
साइकल वितरण कार्यक्रममा वडा सदस्य राम कुमार थारु,अर्जुन कुमार चन्द ,उषा चौधरी ,वडा सचिव अन्जु कुमारी थारु,स्वास्थ चौकी बालाबजारका सि अहेब बिजेन्द्र दहित,महिला स्वास्थ्य स्वयंसेबिका सहभागी थिए ।
