गुलरिया, मंसिर १३ गते / बर्दियाको गुरुरियामा घरमै पुगेरहरूको स्वास्थ्य जाँचको सुरुवात गरिएको छ।
गुलरिया नगरपालिका वडा नम्बर ६ ले आफ्नो बडामा बसोवास गर्ने जेष्ठ नागरिकहरुको घरमै पुगेर स्वास्थ्य जाँचको शुरुवात गरेको छ । वडाको पहलमा वडाका जेष्ठ नागरिकहरुको मासिक स्वास्थ्य परिक्षण कार्यक्रम अन्तर्गत घरमै पुगेर जेष्ठ नागरिकहरूको स्वास्थ्य जाँच सुरुवात गरिएको गुलरिया नगरपालिका वार्ड नम्बर ६ का वडाध्यक्ष शुधान्सु प्रकाश शर्माले बताए ।
वडा नम्बर ६ कार्यालयका स्वास्थ्यकर्मीहरु जेष्ठ नागरिकको घरमै पुगेर प्रेसर, सुगर, तथा सामान्य स्वास्थ्य परिक्षण निःशुल्क रुपमा उपलब्ध गराईएको समेत शर्माले जानकारी दिए । स्वास्थ्य परीक्षणकै क्रममा स्वास्थ्य शाखामा उपलब्ध भएका विरामीलाई औषधीहरु पनि उपलब्ध गराउँदै आएको शर्माले भने ।
वडाले यस पटक कार्यक्रमलाई परिक्षणका रुपमा अघि बढाएकोले आउँने बर्षहरुमा थप सुधारगर्दै लैजाने र कसैको घर आँगनमा वडाका स्वास्थ्य कर्मचारी नपुगेको भए वडा गुलरिया नगरपालिका नम्बर ६ का स्वास्थ्य शाखामा सम्पर्क गर्न या वडाका कुनै पनि जनप्रतिनिधिलाई सम्पर्क गर्न वडा अध्यक्षले अनुरोध गरे।
