बर्दिया, भाद्र २८ गते / बर्दियामा केही दिन देखि परिरहेको बर्षाका कारण आज विहान ११ बजेसम्ममा बबई नदीको चेपाङ्ग र कर्णाली नदिका नदिको बहाबले चेतावनी तह पार गरेकाले नदि छेउ बसोबास गर्ने स्थानीयलाई उच्च सतर्कता अपनाउन बर्दियाका प्रमुख जिल्ला अधिकारी रुद्रादेवि शर्माले अनुरोध गर्नु भएको छ ।

बाढी मापन केन्द्रमा जलसतह ७.३६ मि. (चेतावनी तह ५.५० मि., खतरा तह ६.८० मि.) र कर्णाली नदीमा १०.८६मि. (खतरा तह १०.८ मि.) रही नदीको बहाब चेतावनी तह पार गरेको र पानी निरन्तर परिरहेको र नदी घट्ने तथा बढ्ने भइरहेको हुँदा बबई, कर्णाली नदी, मान खोला, औरही खोला लगायत सहायक नदीहरुको तटीय क्षेत्रमा बसोबास गर्ने बासिन्दाहरुले उच्च सतर्कता अपनाउन प्रमुख जिल्ला अधिकारी शर्माले अनुरोध गर्नु भयो ।

शर्माले “बाढीको समयमा नदी/खोला किनारा नजिक नजानु हुन्” “डुवान क्षेत्रका बासिन्दाहरु उच्च सतर्कता अपनाई सुरक्षित रहनु हुन्” “नदीमा काठदाउरा छोप्ने, माछा मार्ने जस्ता कार्य नगर्नु नगराउनु हुन्” उनले बताईन ।
साथै “घरमा भएका महत्वपूर्ण बस्तु, नगद, गरगहना, जिन्सीलाई सुरक्षित ठाउँमा राख्‍नु हुन्” “अत्यावश्यक खाद्यान्न सुरक्षित ठाउँमा राख्‍नु हुन्” “ज्येष्ठ नागरिक, बालबालिका, गर्भवती तथा सुत्केरी महिलाहरुको विशेष ध्यान दिनु हुन्”
“जोखिम भएका नदी तटीय क्षेत्रमा बसोबास गर्ने नागरिकहरुले नदीको पूर्व सूचना प्रणालीको सूचना लिने र सतर्क रहनु हुन् समेत शर्माले अनुरोध गर्नुभएको छ ।

नदिबाट सम्भावित हुन सक्ने बाढिबाट बच्न जिल्लास्थित सबै स्थानीय तह, स्थानीय आपतकालीन कार्य संचालन केन्द्र (LEOC), अन्य सरोकारवाला तथा सम्बद्ध सबै सरकारी/गैरसरकारी कार्यालय र संघ/संस्थाहरुलाई तयारी अवस्थामा रहन तथा सूचना जानकारी प्रदान गर्नहुन समेत बर्दिया जिल्ला प्रमुख जिल्ला अधिकारी रुद्रादेवि शर्माले अनुरोध गर्नु भएको छ ।