बर्दिया, असार २३ गते बर्दियाको खैरापुर (पटाहा) मा रहेको नेपाल कै दुर्गम कृष्णसारको संख्यामा बृद्धि भएको छ । संरक्षण क्षेत्रमा दिन रात गस्ति जाने अनुगमन गर्ने, घाँसे मैदानको व्यवस्थापन गर्ने र संरक्षण क्षेत्रको तारजाली मर्मत सभ्भार गर्ने कार्यले कृष्णसारकोे संख्यामा बृद्धि आएको हो । चाल आर्थिक बर्षमा २७ वटा कृष्णसारको संख्या बढेको छ । संरक्षण क्षेत्रको व्यवस्थापनमा सुधार संगै कृष्णसारको बढोत्तरी हुँदा वरापराका स्थानीय समेत खुशी देखिन्छन ।
बर्दिया गुुलरिया नगरपालिका वडा न.२ स्थित पटाहा क्षेत्र कृष्णसारको एकमात्र प्राकृतिक बासस्थान हो । यहाँ २०३२ सालमा अस्थायी चौकी खडा गरी संरक्षणको सुरुवात गरिएको थियो । चितुवा, हुँडार, स्याल, भुस्याहा कुकुरको आक्रमणले घटदैगईरहेको कृष्णसार फागुन पहिलो हप्तादेखी बच्चा जन्माएपछि बृद्धि भएको छ । गत आर्थिक बर्षको माघ महिन सम्म १ सय ९७ वटा रहेको कृष्णसार चालु आर्थिक बर्षमा २७ वटा थपिएको कृष्णसार संरक्षण कार्यालयले जनाएको छ ।
कृष्णसार संरक्षण क्षेत्रमा घाँसे मैदान व्यवस्थापन र बच्चा जन्माउने बेला कर्मचारीहरुको दिन रात गस्तिको कारण कृष्णसारको बृद्धि भएको कृष्णसार व्यवस्थापन परिषदका अध्यक्ष दिपेन्द्र यादवको भनाई छ । पछिल्लो समय कृष्णसार संरक्षण र व्यवस्थापनमा सुधार हुँदै जाँदा स्थानीयहरुलाई यो कृष्णसार संरक्षण क्षेत्र हो भन्ने महसुश भएको यादवले बताउनु भयो ।
कृष्णसार संरक्षणमा स्थानीयहरुको समेत भुमिका रहेको छ । कृष्णसारलाई असर पर्ने खालको गतिविधिलाई स्थानीयहरुले पनि रोकथाम गर्ने गरेका छन् । आफ्नो नजिकै रहेको कृष्णसार संरक्षण क्षेत्रको व्यवस्थापन र कृष्णसारको संख्या बढ्दा आफुहरुलाई खुशी लागेको स्थानीयहरुको भनाई छ ।
संरक्षणकै कारण चालु आर्थिक बर्षमा २७ वटा कृष्णसार थपिएको छ । कृष्णसार संरक्षण क्षेत्र भित्र रहेको अनियमित बस्तिलाई व्यवस्थापन गर्न सके संरक्षण क्षेत्र व्यवस्थापन हुने, कृष्णसारको संख्यामा बुद्धि हुने र पर्यटकहरुको रोजाई बन्न सक्ने प्रवल सम्भावना देखिन्छ ।