गुलरिया, असार २३ गते/ बर्दियाको गुलरियामा बबई नदिले आज झनै विकराल लिदै छ। बबई नदिको वहावले नदि छेउ बस्ने स्थानीयहरु सुरक्षित स्थानमा जाने क्रम जारी नै छ। तर गुलरिया नगरपालिका बडा नं ८ स्थित पशु मेला नजिकमा भने नदि को बहाव र भिषण बर्षाका बिच नदिमा माटोको ड्याम बनाउने काम भईरहेको थियो। नदिमा पानीको बहाव बढे संगै पानीले काम सकिन बाकि रहेको ड्याम भत्काउन सक्ने देखेर बाढी आउदा समेत ड्याम बनाउन ठेकेदारलाई आदेश दिइएको बबई भादा औराही आयोजना गुलरियाका प्रमुख शिवजी शाहले बताए। गुलरियाको पशु मेला नजिक बनेको ड्याम बबई नदिको बहावले थोरै कटान भएको र अझै बढि कटान हुने सम्भावना देखे पछि ठेकेदारलाई बाढी र बर्षाका बिच ड्याम बनाउन लगाईएको शाहले भने । पशु मेला नजिको काम २०७७/२०७८ मा केश मित्र निर्माण सेवा संग १० करोड ६८ लाखमा सम्झौता भई काम भईरहेको र हाल सम्म ८० प्रतिशत काम सम्पन्न भई सकेको समेत शाहले जानकारी दिए। काम अधुरो भएकोले ड्याम नबन्दा, पानी बस्ती पस्न सक्ने देखेर बाढी र बर्षाका बिच ड्याम बनाउन लगाएको समेत उनले भने ।
बर्षा र पानी नआउँदै ड्याम बनाउनु पर्ने थियो तर काम गरेछु भन्ने पार्न मात्र काम गरेको हो की स्थानीयहरुले आरोप लगाएका छन । जब राति बर्षा नहुदा काम नगरी बस्ने र बर्षा र बाढी आए संगै देखावटी काम गरेकाछौ भनि देखाउन खोजेको स्थानीयले भने।
