बर्दिया, वैशाख २९ गते / बर्दियाका ८ वटै स्थानिय तहका सि.व.सी., बाल क्लव तथा किशोरी क्लवका १८ जना किशोरीहरुका लागि ३ दिने कला कार्यशाला गोष्ठी कार्यक्रम बैशाख २८ गते शुक्रबार सम्पन्न भएको छ । प्लान ईन्टरनेशनल नेपालको आयोजनामा सन्चालित ३ दिने कला कार्यशाला गोष्ठी सम्बन्धि कार्यक्रम ठाकुरबाबा ९ ठाकुरद्धारामा सम्पन्न भएको हो ।
कलालाई पनि आफ्नो अभिव्यक्त गर्ने माध्यम बनाउ सकिन्छ र हामिहरुले गर्ने अभियानहरुमा कला पनि एउटा शक्तिशाली आर्टिसको रुपमा प्रयोजन गर्ने तथा समाजिक समस्याहरुलाई कलाको माध्यमबाट अभिव्यक्त गर्ने मुख्य उदेश्य रहेको प्लान इन्टरनेश्नल नेपालकी अभियान प्रशासन लक्ष्मि चौधरीले बताए।
कार्यक्रमलाई सम्बोधन गर्दै ठाकुरबाबा नगरपालिकाकी शिक्षा शाखा प्रमुख सिता भण्डारीले हाम्रै समाजमा घटिरहेका घटनाहरुलाई चित्र मार्फत जसरी किशोरीहरुले उतारेका छन त्यसरी नै चित्र मार्फत अभिव्यक्त गरिएका कुराहरुलाई समाजमा पनि प्रर्दशन गरेर बाल विवाह, महिला हिंसा, लागुपदार्थ सेवनबाट बचाउनमा टेवा पुग्नेछ भन्ने अपेक्षा व्यक्त गर्नुभयो ।
यसैगरि मधुवन नगरपालिकाका शिक्षा सुपरिवेक्षक खगेन्द्र खनालले बाल क्लवका किशोरीले समाजमा जे जति घटेका घटनाहरु छन त्यो सबै महिलाहरुले सजिलै आफुले व्यक्त गर्न सक्दैनन, व्यक्त गर्न नसकेका बताउनुभयो । किशोरीहरुले आफुले भोगेका देखेका घटनाहरुलाई चित्र मार्फत उतारेका छन । त्यसैगरि समाजमा घट्ने अन्य घटनाहरुलाई पनि चित्र मार्फत समाजमा प्रर्दशन गर्नुको साथै आफुले सिकेका कलाहरु आ– आफ्ना साथीहरुलाई सिकाउनु पर्ने खनालले बताउनुभयो ।
कार्यक्रममा सहभागि गुलरिया नगरपालिकाकी किशोरी उमा थारुले समाजमा रहेको लैङ्गिक हिंसा, बाल विवाह, लागु पदार्थ दुव्र्यशन, महिला हिंसा, रेपकेस, बाढीपहिरो जस्तो सामाजिक समस्याहरुलाई चित्रको माध्यामबाट प्रस्तुत गरि समाधान गर्न सकिने बताए । अर्की सहभागी बारबर्दिया नगरपालिकाकी किशोरी सिर्जना सुनारले चित्रका माध्यमबाट धेरै कुरा सिक्ने अवसर पाएको बताउनुभयो ।
कला कार्यशाला मेमोरियल चटटट र कार्यक्रममा ठाकुरबाबा नगरपालिका शिक्षा शाखा प्रमुख सिता भण्डारी, शिक्षा सुपरिवेक्षक नन्दराम अधिकारी, नवराज ढुङ्गाना, मधुवन नगरपालिका शिक्षा सुपरिवेक्षक खगेन्द्र खनाल, प्लान इन्टरनेश्नल नेपाल बर्दिया जिल्लाका फेकल प्रशन बिमल गैरे लगायतको सहभागिता रहेको थियो ।
