मधुवन, फागुन १० गते(माउण्टेनसमाचार) / बर्दियाको मधुवन नगरपालिका वडा नं-१ सुर्यपटुवामा दादुरा रुबेला सम्बन्धि एक दिने अभिमुखिरण कार्यक्रम सुर्यपटुवा स्वास्थ्य चौकीको आयोजनामा ९ फाल्गुन बुधबार सम्पन्न भएको छ।
दादुरा रुबेला खोप अभियानमा मधुवन नगरपालिका वडा नं-१ सुर्यपटुवा स्वास्थ्य चौकीले १ हजार ३ सय १० जना बालबालिकालाई खोप लगाउने लक्ष्य लिएको सुर्यपटुवा स्वास्थ्य चौकीले जनाएको छ भने वडा नं-१ मा फाल्गुन १३ गतेदेखि फाल्गुन १८ गतेसम्म खोप अभियान संचालन हुने बताइएको छ। उक्त खोप अभियान उमेर समूह ९ महिनादेखि १५ बर्ष मुनिका बालबालिकाहरुलाई खोप लगाईने छ। अभिभावकसङ्ग सुर्यपटुवा स्वास्थ्य चौकीको अनुरोध गरेको छ। आफुलाई पायक पर्ने निम्न खोप केन्द्रमा खोप लागाउन सक्नुहुनेछ।
फाल्गुन १३ गते विहान १०:३० बजेदेखि ४ सम्म त्रिभुवन माध्यमिक विद्यालय, १४ गते सरस्वती आवासीय विद्यालय पथ्थरबोझी, १५ गते वि.पी. प्राथमिक विद्यालय कैलासी, १६ गते जनजागृती प्राथमिक विद्यालय सोमलपुर, १७ ठाकुरबाबा पब्लिक स्कुल कुसुम्मा, १८ गते छुटेका सम्पुर्ण बालबालिकाहरु शिव सदन पब्लिक स्कुल डल्लामा खोप लागाइने छ।
उक्त अभिमुखिकरण कार्यक्रममा मधुवन नगरपालिका वडा नं-१ का वडा अध्यक्ष मीन बहादुर थापा, वडा सदस्यहरु धनिराम थारु, रन्जु चौधरी र रामचरण चौधरी, सुर्यपटुवा स्वास्थ्य चौकीका प्रमुख पुर्ण बहादुर खत्री, स्वास्थ्यकर्मी सिनियर अहेव संजिप पन्जियार लगायत गाउँटोल बड्घरहरुको उपस्थिति रहेको थियो। वडा अध्यक्ष मीन बहादुर थापाले सम्पुर्ण वडाबासी अभिभावकहरुलाई यस महान दादुरा रुबेला खोप अभियानलाई सफल र सहयोग गर्न अपिल गर्नुभएको छ।
