बर्दिया,माघ २३(माउण्टेनसमाचार)/ गुलरिया नगरपालिका स्तरीय पाँचौं राष्ट्रपति रनिङ्ग शिल्ड तथा चौथो मेयरकप खेलकुद प्रतियोगिताको उद्घाटन सत्रमा पार्चपास प्रदर्शन गरिएको छ । नगरका ५४ वटा विद्यालयले उद्घाटन सत्र मंगलबार मार्चपास प्रदर्शन गरेका हुन् ।
गुलरिया नगरपालिकाका नगर प्रमुख मुक्तिनाथ यादव र प्रमुख जिल्ला अधिकारी बेद प्रसाद खरेलले संयुक्त रुपमा पानसमा दिप प्रज्वलन गरि कार्यक्रमको उद्घाटन गरेका थिए । मार्चपास प्रदर्शन गरेका सहभागि विद्यार्थीले नगर प्रमुख यादवलाई सलामी दिएका थिए ।
नगरका सामुदायिक र संस्थागत गरि ५४ वटा विद्यालयले मार्चपास प्रतियोगितामा सहभागिता जनाएको आयोजक समितिका संयोजक च्यामुलाल चौधरीले बताए ।
मार्चपासमा ३१ वटा प्राविमा शान्ति आधारभूत विद्यालय बालापुर प्रथम भएको छ । त्यसैगरि देउराली आधारभूत विद्यालय थपुवा दोस्रो र श्री बाल विद्या मन्दिर सुरजपुर तेस्रो भएको छ । निमाविमा गणेश विद्या मन्दिर प्रथम भएको छ । कृष्णासार आधारभूत खैरी दोस्रो र गायत्री आधारभूत टेपरी तेस्रो हुन सफल भएको छ ।
सामुदायिक माविमा श्री महाकवि देवकोटा मावि प्रथम भएको छ । बगलामुखी मावि दोस्रो र जानकी मावि सिरकोइया तेस्रो भएको छ । त्यसैगरि संस्थागत माविमा जनज्योति सेकेन्डेरी बोडिङ्ग प्रथम भएको छ । लिटल हेभन दोस्रो र सनराइज बोडिङ्ग स्कूल तेस्रो भएको छ ।
