दाङ(देउखुरी) माघ २१ गते (माउण्टेनसमाचार) / लुम्बिनी प्रदेश सरकारको आज माघ २१ गते ७ औं प्रदेश स्थापना दिवशको अवसर पारेर आज भएको देउखुरी दौड प्रतियोगितामा प्रथम टंक कार्की भएका छन।
गृह मन्त्रालय र प्रदेश खेलकूद परिषद्को संयुक्त आयोजनामा माघ २१ गते आइतवार आज बिहान ८ बजे राजधानी राप्ती उपत्यकाको भालुवाङ देखि देउखुरी प्रशासनिक परिसरसम्म ५ किलोमिटरको दौड प्रतियोगितामा ५ किलोमिटरको देउखुरी दौडको दुरी १५.२७ मिनेटमा पुरा गर्दै नेपाली सेनाका टंक कार्की प्रथम हुँदै नगद २१ हजार रुपैयाँ प्राप्त गरे यस्तै १५.२९ मिनेटमा दुरी पार गर्दै नागेश्वर अहिरले दोस्रो स्थान प्राप्त गरे भने १५.३३ मिनेटमा दुरी पार गर्दै मिलन कार्कीले तेस्रो स्थान प्राप्त गरे । यस्तै सञ्जय सिंह, सन्तोष अहिर र मोहनदेव जोशीले क्रमश चौथो पाँचौ र छैंठौ हुदै सान्त्वना पुरस्कार प्राप्त गरेका थिए।
यस्तै महिला तर्फ सिमा चौधरीले निर्धारित दुरि १९.३९ मिनेटमा पार गर्दै प्रथम हुदै नगद २१ हजार रुपैयाँ प्राप्त गरेकी थिईन भने सुमित्रा चौधरीले २० मिनेटमा दुरि पार गर्दै दोस्रो भएकी हुन भने कमला वलीले निर्धारित दुरी २०.२८ मिनेटमा पार गर्दै तेस्रो भईन। यस्तै मोतिकला डाङ्गी, निर्माया चौधरी र अरुनिमा चौधरीले क्रमश चौथौ पाचौ र छैंठौ स्थान प्राप्त गरेका थिए। विजेतालाई लुम्बिनी प्रदेश मुख्यमन्त्री डिल्लीबहादुर चौधरी र गृहमन्त्री सन्तोष कुमार पाण्डेयले वितरण गर्नु भएको थियो।
