नेपालगन्ज, माघ ६ गते (माउण्टेनसमाचार) / राष्ट्रिय वाणिज्य बैंक लि.को ५९ औं वार्षिकोत्सवको पूर्व सन्ध्यामा आज नेपालगन्जमा प्रभातफेरी निकालिएको छ।
राष्ट्रिय वाणिज्य बैंकको स्थापना दिवस को पूर्व सन्ध्यामा राष्ट्रिय वाणिज्य बैंकको धम्भोजि शाखाबाट बाँके र बर्दियाका शाखाले संयुक्त रुपमा ‘वित्तीय साक्षरताका लागि प्रभातफेरी’ कार्यक्रमको आज नेपालगन्जमा आज प्रभातफेरी गरिएको हो ।
प्रभातफेरी पछिको कार्यक्रममा राष्ट्रिय वाणिज्य बैंक धम्भोजी शाखा प्रमुख गोपाल आचार्यले “बैंकको ५९ औं वार्षिकोत्सवको अवसरमा शुभकामना मन्तव्य व्यक्त गर्दै समाज प्रतिको उत्तरदायीत्व बहन गर्दै बैंकले वित्तीय साक्षरताका र सर्वसाधारण प्रति बैंकिङ्ग संचेतना गर्ने उद्देश्यले लागि प्रभातफेरी कार्यक्रमको आयोजना गरिएको” बताए ।
बाँके र बर्दियाका वाणिज्य बैंकको कार्यालय र शाखा कार्यालयहरुको एकसाथ आयोजना भएको प्रभातफेरी कार्यक्रममा करिब एक सय भन्दा बढी कर्मचारीको सहभागिता रहेको थियो ।
उक्त कार्यक्रममा वित्तीय साक्षरता सम्बन्धि बैंकको लोगो अंकित विभिन्न प्लेकार्ड सहित शुरु गरिएको उक्त प्रभातफेरीको र्याली नेपालगन्जको धम्भोजी चोक देखि पुष्पलाल चोक, त्रिभुवन चोक, विपी चोक हुदै नेपालगन्ज नगर परिक्रमा गरेको थियो ।
राष्ट्रिय वाणिज्य बैंकको देशै भरि २ सय ८६ शाखा कार्यालयहरु रहेका छन।
र्यालिले अन्तिममा नेपालगन्ज धम्भोजी शाखा कार्यालयमा पुगेर समापन भएकोे थियो ।
