मैनापोखर, पुस २८ गते / बर्दियाको बढैयाताल गाँउपालिकाको मैनापोखरमा जारी बढैयाताल महोत्सवमा राष्ट्रिय कलाकार टंक तिमल्सिनाको बेजोड प्रस्तुतिमा दर्शकहरुको साथ पाएका छन।
पुस २६ गते देखि जारी प्रादेशिक बढैयाताल कृषि, पर्यटन तथा औद्योगिक व्यापार तथा माघि महोत्सवमा आज पुस २८ गते उल्लेख्यनिय सहभागिता रहेको थियो । महोत्सवमा आज शनिवार गायक टंक तिमिल्सेनाले आफ्ना प्रस्तुतीहरुमा दर्शक नचाउदा आफ्ना आधा दर्जन बढि चर्चित गितहरु प्रस्तुत गरेका थिए । युवा गायक टंकको प्रस्तुतीमा दर्शकले झुमेरै साथ दिए ।
बढैयाताल उद्योग वाणिज्य संघ मैनापोखरको आयोजनामा दश दिनको लागि महोत्सवमा दिन प्रतिदिन दर्शकको संख्यामा वृद्धि भइरहेको आयोजकले जनाएको छ ।
महोत्सव अवधिभर कृषि तथा माघि मेलाको अवलोकन गर्न सकिने बढैयाताल उद्योग वाणिज्य संघ मैनापोखरका अध्यक्ष बालकृष्ण लामिछानेले जानकारी दिए ।
महोत्सवमा राष्ट्रिय कलाकारहरुको साथ स्थानी
य कलाकारहरुको समेत बेजोड प्रस्तुती संगै मुख्यत बढैयातालको चिनारी यहाँका पर्यटकीय स्थलका साथै कृषि तथा स्थानीय व्यापार प्रर्वद्धनमा टेवा पुग्ने आयोजकका अध्यक्ष लामिछानेले जानकारी दिए।
