बर्दिया,पौष २१ (माउण्टेनसमाचार) /प्रथम प्रादेशिक कृषि, सांस्कृतिक पर्यटन, औद्योगिक व्यापार तथा माघी महोत्सव २०८० बढैयातालको तयारी अन्तिम चरणमा पुगेको छ । पौष २६ गते देखि माघ ७ गतेसम्म चल्ने महोत्सवको तयारी अन्तिम चरणमा पुगेको हो ।
उद्योग वाणिज्य संघ बढैयातालको आयोजनामा संचालन हुने महोत्सव बढैयाताल गाउँपालिका–६ स्थित तिव्र रुपमा तयारी भईरहेको छ । महोत्सवको अधिकांश तयार भईसकेको र बाँकी काम तिव्र गतिमा भईरहेको उद्योग वाणिज्य संघ बढैयातालका अध्यक्ष बालकृष्ण लामिछानेले जनाएका छन् ।
प्रथम प्रादेशिक महोत्सवले कृषि, सांस्कृतिक, पर्यटन गन्तव्य तथा औद्योगिक व्यापारको व्यापक रुपमा प्रचार प्रसार गर्ने विश्वास छ । महोत्सवमा स्थानीय जातजातिका खानाका प्रकार, धर्म संस्कृति भल्काउने खालका झाँकी, बर्दिया जिल्लामा लुकेर रहेका प्रतिभा, घरेलु उद्योगबाट उत्पादित वस्तु, कला संस्कृति, धार्मिक स्थलको राष्ट्रिय स्तरमा चिनाउन सहयोग पु¥याउनेछ । त्यसैगरी महोत्सवमा राष्ट्रिय तथा स्थानीय कलाकारहरुको बेजोड प्रस्तुती रहनेछ ।
